හෝමුස් සමුද්ර සන්ධියේ නාවික ගමනාගමන නිදහස තහවුරු කිරීම සඳහා එක්සත් රාජධානිය, ප්රංශය ඇතුළු රටවල් කිහිපයක් සමඟ එක්ව පුළුල් ජාත්යන්තර සන්ධානයක් ගොඩනැගීමට පියවර ගෙන ඇති බව සී.එන්.එන් (CNN) පුවත් සේවය වාර්තා කරයි. පසුගිය මාසයේ සිටම බ්රිතාන්යයට අයත් බෝම්බ නාශක නාවික පද්ධති (Mine hunting systems) මෙම කලාපයේ ස්ථාපිත කර ඇති අතර, මුහුදු මාර්ග ආරක්ෂා කිරීම ඔවුන්ගේ ප්රධාන අරමුණ වී තිබේ.
මෙහිදී එක්සත් රාජධානිය විශේෂ ස්ථාවරයක් ගෙන ඇති අතර, ඔවුන් ඇමෙරිකාව විසින් පනවා ඇති නාවික අවහිරතාවයට (Blockade) සෘජුව සම්බන්ධ නොවන බව අවධාරණය කර ඇත. බ්රිතාන්යයේ පැහැදිලි ස්ථාවරය වන්නේ හෝමුස් සමුද්ර සන්ධිය කිසිසේත්ම “බදු අය කරන” (Tolling) ස්ථානයක් බවට පත් නොවිය යුතු බවයි. ඉරානය විසින් නෞකාවලින් ගාස්තු අය කිරීමට දරන උත්සාහය සහ ඊට එරෙහිව ඇමෙරිකාව පනවා ඇති දැඩි නීති හමුවේ, බ්රිතාන්යය සහ ප්රංශය උත්සාහ කරන්නේ සමුද්ර සන්ධිය හරහා නිදහස් වෙළඳ ගමනාගමනය අඛණ්ඩව පවත්වාගෙන යාමටයි.
යුරෝපීය බලවතුන් මෙලෙස ස්වාධීන සන්ධානයක් හරහා මැදිහත් වීම මැදපෙරදිග පවතින උණුසුම්කාරී වාතාවරණය පාලනය කිරීමටත්, ගෝලීය බලශක්ති සැපයුම සුරක්ෂිත කිරීමටත් ඉවහල් වනු ඇතැයි අපේක්ෂා කෙරේ.
තොරතුරු උපුටා ගැනීම:mario nawfal(x) ඇසුරින්
