රුසියාවට එරෙහිව පනවා ඇති ආර්ථික සම්බාධක ලිහිල් කිරීමට බ්රිතාන්ය රජය කිසිසේත්ම සූදානම් නැති බව එරට බලශක්ති අමාත්ය මයිකල් ෂෑන්ක්ස් අවධාරණය කරයි. බීබීසී පුවත් සේවයේ ‘Today’ වැඩසටහනට එක්වෙමින් ඔහු පෙන්වා දුන්නේ යුක්රේන ආක්රමණය සඳහා අරමුදල් රැස් කිරීමට ව්ලැඩිමීර් පුටින්ට ඇති අවස්ථා අවහිර කිරීම ගෝලීය ආරක්ෂාව වෙනුවෙන් අත්යවශ්ය බවයි.
මැදපෙරදිග කලාපයේ පවතින අස්ථාවරත්වය හමුවේ ලෝක තෙල් මිල ඉහළ යාම පාලනය කිරීම සඳහා, දැනට මුහුදේ නෞකාවල පටවා ඇති රුසියානු තෙල් සහ පෙට්රෝලියම් නිෂ්පාදන මිලදී ගැනීමට ඇමෙරිකාව යම් අවසරයක් ලබාදී ඇතත්, බ්රිතාන්යය සිය සම්බාධක ප්රතිපත්තිය නොවෙනස්ව පවත්වා ගන්නා බව මෙහිදී ප්රකාශ විය. සම්බාධක ලිහිල් කිරීම යනු රුසියානු ආර්ථිකයට හුස්ම ගැනීමට ඉඩ ලබාදීමක් බවත්, එය යුක්රේන යුද්ධය තවදුරටත් දිග්ගැස්සීමට හේතුවන බවත් අමාත්යවරයා අනතුරු ඇඟවීය.
මේ අතර, රුසියානු ජනාධිපතිවරයා මීට පෙර ප්රකාශ කර තිබුණේ බටහිර සම්බාධක අසාර්ථක වී ඇති බවයි. කෙසේ වෙතත්, බ්රිතාන්යයේ මෙම ප්රකාශයත් සමඟ රුසියාවට එල්ල වන ජාත්යන්තර ආර්ථික පීඩනය තවදුරටත් තීව්ර වනු ඇතැයි අපේක්ෂා කෙරේ.
