හිටපු ජනාධිපති රනිල් වික්රමසිංහ මහතා ගනු ලැබූ නිවැරදි ආර්ථික තීන්දු හේතුවෙන් රටට යම් ස්ථාවරත්වයක් ලැබී ඇති නමුත්, වර්තමානයේ රටේ ප්රාග්ධන වියදම් ඇණහිට ඇති බව හිටපු අමාත්ය රවි කරුණානායක මහතා පවසයි. කොළඹදී පැවැති මාධ්ය හමුවකට එක්වෙමින් ඔහු සඳහොත් කළේ, ජාත්යන්තර මූල්ය අරමුදලේ (IMF) කළමනාකාර අධ්යක්ෂිකා ක්රිස්ටලිනා ජෝර්ජීවා මහත්මිය ඉදිරියේදී මෙරටට පැමිණෙන අතර එහිදී තීරණාත්මක සාකච්ඡා රැසක් පැවැත්වීමට නියමිත බවයි.
විශාල වශයෙන් ණයවර ලිපි (LC) විවෘත කරමින් වාහන ආනයනය කිරීමට රජය සැරසීම පිළිබඳව කරුණානායක මහතා සිය විවේචනය එල්ල කළේය. එවැනි පියවරක් මගින් ආර්ථිකයට දැඩි බලපෑමක් එල්ල විය හැකි බැවින්, රජය ඉදිරි දැක්මක් සහිතව කටයුතු කළ යුතු බවත් 2028 වසරේ සිට ණය ගෙවීම සඳහා දැන් සිටම සැලසුම් සකස් කළ යුතු බවත් ඔහු පෙන්වා දුන්නේය. රනිල් වික්රමසිංහ මහතා දේශපාලන වාසි ගැන නොසිතා රටේ අනාගතය වෙනුවෙන් කැපවූ නායකයෙකු බව ද ඔහු මෙහිදී අගය කළේය.
වර්තමාන දේශපාලන තත්ත්වය පිළිබඳව අදහස් දක්වමින් කරුණානායක මහතා අවධාරණය කළේ, එක්සත් ජාතික පක්ෂය (UNP) සහ සමගි ජන බලවේගය (SJB) වහාම එකට එකතු විය යුතු බවයි. පක්ෂය තුළ සිටින සුළු පිරිසකගේ කුමන්ත්රණවලට හසු නොවී, බෙදීමට බාධා කරන “ජාතිද්රෝහීන්” හඳුනාගෙන සියලු දෙනා එක්විය යුතු බවත්, ප්රමාද වී ඇති පළාත් සභා මැතිවරණය වහාම පැවැත්විය යුතු බවත් ඔහු වැඩිදුරටත් සඳහන් කළේය.
