කොළඹ ජාතික රෝහල් පරිශ්රයේ පිහිටි කොළඹ නාගරික හදිසි මරණ පරීක්ෂක උසාවියට ඇතුළු වන ප්රධාන දොරටුව අසල ඇති අඩි $2\ 1/2$ක් පමණ පළලැති අනාරක්ෂිත කානුවක් හේතුවෙන් මහජනතාව දැඩි අවදානමකට ලක්ව සිටිති. මියගිය අයගේ ඥාතීන්ට සහ සාක්ෂිකරුවන්ට දිනපතා මෙම අවදානම් කානුව මතින් පැන උසාවියට ඇතුළු වීමට සිදුව ඇත.
කොළඹ නාගරික හදිසි මරණ පරීක්ෂක මොහොමඩ් අෂ්රෆ් රූමි මහතා සහ අතිරේක හදිසි මරණ පරීක්ෂක ඉරේෂා දේශානි මහත්මිය මේ පිළිබඳව රෝහල් බලධාරීන් දැනුවත් කර ඇති නමුත්, මාසයක පමණ කාලයක සිට මෙතෙක් කිසිදු විසඳුමක් ලැබී නැත. විශේෂයෙන්ම ශෝකයට පත්ව සිටින ඥාතීන් මෙන්ම පොලිස් නිලධාරීන්ට ද මෙම ස්ථානය හරහා ගමන් කිරීම මහත් අපහසුවක් වී තිබේ.
අවම වශයෙන් කොන්ක්රීට් තීරයක් අතුරා හෝ මෙම පිවිසුම ආරක්ෂිත කර දෙන ලෙස ජනතාව සහ මරණ පරීක්ෂකවරු බලධාරීන්ගෙන් ඉල්ලා සිටිති. මීට පෙරද මෙම ගොඩනැගිල්ලේ පැරණි බව සහ ඉඩකඩ සීමිත වීම සම්බන්ධයෙන් ගැටලු මතු වූ අතර, මරණ පරීක්ෂණ කටයුතු පවා වරින් වර වෙනත් ස්ථානවලට මාරු කිරීමට සිදු විය.
