දකුණු සහ මධ්යම ආසියානු කටයුතු පිළිබඳ ඇමෙරිකානු සහකාර රාජ්ය ලේකම් ඩොනල්ඩ් ලූ මහතා ජනපති හමු වෙයි
![](https://ttvnews.lk/wp-content/uploads/2024/05/He_America_TTVnews.jpg)
මෙරට සංචාරයක නිරත දකුණු සහ මධ්යම ආසියානු කටයුතු පිළිබඳ ඇමෙරිකානු සහකාර රාජ්ය ලේකම් ඩොනල්ඩ් ලූ (Donald Lu) ඊයේ (13) පස්වරුවේ ජනාධිපති කාර්යාලයේ දී ජනාධිපති රනිල් වික්රමසිංහ මහතා හමු විය.ශ්රී ලංකා ආර්ථිකය ප්රකෘතිමත් කිරීම වෙනුවෙන් රජය ගෙන යන වැඩපිළිවෙළ පිළිබඳ මෙහිදී දීර්ඝ ලෙස සාකච්ඡාවට ලක් වූ අතර ශ්රී ලංකාවේ නව ආර්ථික ප්රතිසංස්කරණ ක්රියාවලිය සහ ඒ වෙනුවෙන් ජනාධිපති රනිල් වික්රමසිංහ මහතාගේ කැපවීම ඩොනල්ඩ් ලූ මහතාගේ ඇගයීමට ලක් විය.
ජාතික ආරක්ෂාව පිළිබඳ ජනාධිපති ජ්යෙෂ්ඨ උපදේශක හා ජනාධිපති කාර්ය මණ්ඩල ප්රධානි සාගල රත්නායක, ජනාධිපති ලේකම් සමන් ඒකනායක, ශ්රී ලංකාවේ ඇමෙරිකානු තානාපතිනී ජුලි චංග්, ජාත්යන්තර කටයුතු පිළිබඳ ජනාධිපති අධ්යක්ෂ දිනුක් කොළඹගේ යන මහත්ම මහත්මීන් ද මෙම අවස්ථාවට එක්ව සිටියහ.