ඇමෙරිකා එක්සත් ජනපදය විසින් හෝමුස් සමුද්ර සන්ධිය (Strait of Hormuz) අවහිර කිරීමට පියවර ගෙන ඇති බව ජනාධිපති ඩොනල්ඩ් ට්රම්ප් ප්රකාශ කර තිබේ. ඔහු සිය ‘Truth Social’ සමාජ මාධ්ය ගිණුමෙහි සටහනක් තබමින් මේ බව අනාවරණය කර ඇති බව වාර්තා වේ. මැදපෙරදිග පවතින යුධමය තත්ත්වය සමනය කිරීම සඳහා පාකිස්ථානයේ ඉස්ලාමාබාද් නුවර පැවැති සාම සාකච්ඡා කිසිදු එකඟතාවයකින් තොරව බිඳ වැටීමෙන් අනතුරුව ජනාධිපතිවරයා මෙම තීරණාත්මක ප්රකාශය සිදු කර ඇත.
ලොව දියුණුම නාවික හමුදාව සතු ඇමෙරිකා එක්සත් ජනපද නාවික හමුදාව, වහාම ක්රියාත්මක වන පරිදි හෝමුස් සමුද්ර සන්ධියට ඇතුළු වන හෝ ඉන් පිටතට පැමිණෙන සියලුම නෞකා අවහිර කිරීමේ ක්රියාවලිය ආරම්භ කරන බව ට්රම්ප් මහතා සිය සටහන මගින් අවධාරණය කර තිබේ. ගෝලීය බලශක්ති සැපයුමට අතිශය වැදගත් වන හෝමුස් සමුද්ර සන්ධිය මෙලෙස අවහිර කිරීම කලාපීය මෙන්ම ජාත්යන්තර දේශපාලන සහ ආර්ථික ස්ථාවරත්වයට දැඩි බලපෑමක් එල්ල කළ හැකි තත්ත්වයක් බව විචාරකයෝ පෙන්වා දෙති.
