ඇමරිකා එක්සත් ජනපදයේ වසරකට වරක් සිදුවන දිවා ආලෝකය සුරැකීමේ කාලය (Daylight Saving Time) 2026 වර්ෂය සඳහා අද, එනම් මාර්තු 08 වන ඉරිදා සිට ආරම්භ වේ. සාමාන්යයෙන් සෑම වසරකම මාර්තු දෙවන ඉරිදා අලුයම මෙම වෙනස සිදු කෙරේ.
මේ පිළිබඳව ඔබ දැනගත යුතු වැදගත් තොරතුරු මෙසේය. අද අලුයම 2:00 ට එරට වේලාව ඔරලෝසුවල ස්වයංක්රීයව පැය 3:00 දක්වා ඉදිරියට (Spring Forward) ගමන් කළ අතර, මේ හේතුවෙන් බොහෝ ඇමරිකානුවන්ට එක් පැයක නින්දක් අහිමි වේ. මෙම ක්රමය 2026 නොවැම්බර් 01 වනදා දක්වා දින 238 ක් පුරා ක්රියාත්මක වන අතර, එදිනට ඔරලෝසු යළි පැයක් පසුපසට (Fall Back) සකස් කෙරෙනු ඇත.
කෙසේ වෙතත්, ඇමරිකාවේ සියලුම ප්රාන්ත මෙම කාල වෙනසට දායක නොවේ. හවායි (Hawaii) සහ ඇරිසෝනා (Arizona) ප්රාන්තයේ වැඩි කොටසක් (නවාජෝ දේශය හැර) ඔරලෝසු වෙනස් නොකරන අතර, ඇමරිකානු සැමෝවා, ගුවාම්, පුවර්ටෝ රිකෝ සහ වර්ජින් දූපත් වැනි කලාප ද මෙම ක්රමයට සහභාගී නොවේ.
