අමෙරිකාව සහ ඉරානය අතර ඇති කරගත් සටන් විරාම ගිවිසුමට ලෙබනනය ඇතුළත් නොවන බව අමෙරිකානු උප ජනාධිපති ජේ.ඩී. වෑන්ස් (JD Vance) මහතා ප්රකාශ කළේය. ඉරාන සාකච්ඡාකරුවන් මෙම ගිවිසුමට ලෙබනනය ද ඇතුළත් බව විශ්වාස කිරීම “මතභේදාත්මක වටහා ගැනීමක්” (misunderstanding) බව ඔහු පෙන්වා දුන්නේය.
මෙම සටන් විරාමය ඉරානය සහ අමෙරිකාවේ මිත්ර පාර්ශවයන් වන ඊශ්රායලය හා ගල්ෆ් අරාබි රටවල් කෙරෙහි පමණක් අවධානය යොමු කළ එකක් බව වෑන්ස් මහතා අවධාරණය කළේය. අමෙරිකානු උප ජනාධිපතිවරයා මෙම අදහස් පළ කළේ ඉරානය සමඟ ඉදිරියේදී පැවැත්වීමට නියමිත සාම සාකච්ඡා සඳහා වන අමෙරිකානු දූත පිරිසේ නායකත්වය දැරීමට ඔහු නම් කර ඇති පසුබිමක ය.
කෙසේ වෙතත්, ඉරානය සහ හිස්බුල්ලා සංවිධානය පවසන්නේ ලෙබනනය ද මෙම සටන් විරාමයට ඇතුළත් විය යුතු බවයි. ඊයේ (අප්රේල් 08) ඊශ්රායලය විසින් ලෙබනනයට එල්ල කළ දරුණු ප්රහාරවලින් පුද්ගලයන් 250කට වැඩි පිරිසක් මියගිය අතර, ඊට ප්රතිචාර වශයෙන් හිස්බුල්ලා සංවිධානය ද ඊශ්රායලයට යළි රොකට් ප්රහාර එල්ල කිරීම ආරම්භ කර තිබේ. ඊශ්රායලයේ මෙම ක්රියාව අමෙරිකා-ඉරාන සටන් විරාමය උල්ලංඝනය කිරීමක් බව හිස්බුල්ලා සංවිධානය පවසයි.
