ඉරානයේ ප්රධාන තෙල් අපනයන මධ්යස්ථානය පිහිටි කාර්ග් දූපතේ (Kharg Island) ඉලක්ක ඇමරිකානු හමුදා විසින් සම්පූර්ණයෙන්ම විනාශ කිරීමෙන් පසු, ඉරානය මේ වන විට “සම්පූර්ණයෙන්ම පරාජයට පත්ව ඇති” බවත් ඔවුන් දැන් සාම ගිවිසුමක් අපේක්ෂා කරන බවත් ඇමරිකානු ජනාධිපති ඩොනල්ඩ් ට්රම්ප් පවසයි. කෙසේ වෙතත්, ඉරානය යෝජනා කරන කිසිදු ගිවිසුමක් තමන් මේ මොහොතේ භාර ගැනීමට සූදානම් නොමැති බව ඔහු අවධාරණය කර තිබේ. ෆ්ලොරිඩා බලා පිටත්ව යාමට පෙර මාධ්ය වෙත අදහස් දක්වමින් ට්රම්ප් මේ බව සඳහන් කළේය.
ඇමරිකානු ප්රහාර හමුවේ වුවද ඉරානය විසින් ඊශ්රායලය සහ ඒ අවට ගල්ෆ් කලාපයේ රටවල් වෙත දැවැන්ත මිසයිල සහ ඩ්රෝන ප්රහාර එල්ල කිරීම තවදුරටත් අඛණ්ඩව සිදු කරයි. එමෙන්ම ලෝක තෙල් වෙළඳාමෙන් පහෙන් එකක් පමණ සිදුවන හෝර්මුස් සමුද්ර සන්ධිය ද ඉරානය විසින් මේ වන විට වසා දමා ඇති අතර, පවතින උග්ර යුදමය වාතාවරණය හමුවේ ඇමරිකාව සහ ඊශ්රායලය එක්ව ඉරානය පුරා පිහිටි හමුදා මධ්යස්ථාන ඉලක්ක කර ගනිමින් ප්රහාර මාලාවක් දියත් කරමින් සිටියි.
