ඇමරිකාව සහ ඊශ්රායලය එක්ව ඉරානයට එරෙහිව දියත් කර ඇති යුද්ධය මැදපෙරදිග කලාපය පමණක් නොව, ඇමරිකානු දේශපාලන අභ්යන්තරය ද දැඩි කැළඹීමකට ලක් කරමින් තිබේ. විශේෂයෙන්ම ඉදිරියට පැවැත්වීමට නියමිත 2026 මධ්යකාලීන මැතිවරණය (Midterm Elections) හමුවේ ජනාධිපති ඩොනල්ඩ් ට්රම්ප්ගේ රිපබ්ලිකන් පක්ෂය තුළ මෙම යුද්ධය සම්බන්ධයෙන් මතභේද හටගෙන ඇත.
ට්රම්ප්ගේ ප්රධාන දේශපාලන පදනම වන “MAGA” පාක්ෂිකයන් අතර මෙම යුද්ධය සම්බන්ධයෙන් බෙදීමක් නිර්මාණය වී ඇති බව විචාරකයෝ පෙන්වා දෙති. ටකර් කාල්සන් (Tucker Carlson) වැනි බලපෑම් සහගත දක්ෂිණාංශික මාධ්යවේදීන් මෙම හමුදා ක්රියාමාර්ගය විවේචනය කරමින් පවසන්නේ, ඊශ්රායලයේ මැදපෙරදිග ආධිපත්යය තහවුරු කිරීම වෙනුවෙන් ඇමරිකාව මෙම යුද්ධයට ඇද දමා ඇති බවයි.
නොවැම්බර් මාසයේ පැවැත්වෙන මැතිවරණයේදී නියෝජිත මන්ත්රී මණ්ඩලයේ සියලුම ආසන 435 ක් සහ සෙනෙට් මණ්ඩලයේ ආසන 35 ක් සඳහා ඡන්ද විමසීම පැවැත්වෙන අතර, පක්ෂ අභ්යන්තරයේ පවතින මෙම ගැටුම රිපබ්ලිකන් පක්ෂයේ ජයග්රහණයට බාධාවක් විය හැකි බවට අනාවැකි පළ වේ. විශේෂයෙන්ම ඊශ්රායලය වෙනුවෙන් ඇමරිකානු විදේශ ප්රතිපත්තිය මෙහෙයවන්නේද යන්න පිළිබඳව මතුව ඇති ගතානුගතික විවේචන ට්රම්ප් පාලනයට දැඩි අභියෝගයක් වී තිබේ.
