ඇමෙරිකානු හමුදාවට අයත් KC-135 වර්ගයේ ඉන්ධන පිරවුම් යානයක් බටහිර ඉරාකයේදී කඩා වැටී ඇති බව ඇමෙරිකානු මධ්යම අණදෙන මධ්යස්ථානය (US Central Command) තහවුරු කරයි. ගුවන් යානා දෙකක් සම්බන්ධ වූ “සිද්ධියකින්” අනතුරුව මෙම අනතුර සිදුව ඇති අතර, මීට සතුරු ප්රහාරයක හෝ මිත්ර පාර්ශ්වයක ප්රහාරයක සම්බන්ධයක් නොමැති බව හමුදා ප්රකාශකයෝ අවධාරණය කරති.
අනතුර සිදු වූ ප්රදේශය හමුදාව විසින් “මිත්රශීලී ගුවන් කලාපයක්” ලෙස හඳුන්වන ආරක්ෂිත කලාපයක් වන අතර, මේ වන විට එම ස්ථානයේ ගලවා ගැනීමේ මෙහෙයුම් ක්රියාත්මක වෙමින් පවතී. මෙම සිද්ධියට සම්බන්ධ වූ අනෙක් ගුවන් යානය ආරක්ෂිතව ගොඩබස්වා ඇති බව ද වාර්තා වේ.
මැදපෙරදිග කලාපයේ පවතින උණුසුම් යුදමය වාතාවරණය හමුවේ ඇමෙරිකානු ඉලක්ක වෙත ඉරාන ප්රහාර එල්ල වෙමින් පවතින පසුබිමක, මෙම ගුවන් අනතුර පිළිබඳව ජාත්යන්තර අවධානය යොමු වී තිබේ. කෙසේ වෙතත්, මෙය කාර්මික දෝෂයක් හෝ ගුවන් යානා දෙක අතර සිදුවූ අහඹු ගැටීමක් ද යන්න පිළිබඳව වැඩිදුර විමර්ශන ක්රියාත්මකයි.
