ඉරාකයේ බටහිර ප්රදේශයේදී අමෙරිකානු ගුවන් හමුදාවට අයත් KC-135 Stratotanker යානයක් අනතුරට ලක්වීම සම්බන්ධයෙන් අමෙරිකානු මධ්යම විධානය (CENTCOM) විශේෂ ප්රකාශයක් නිකුත් කර තිබේ. ‘Operation Epic Fury’ මෙහෙයුමේ කොටසක් ලෙස ඉරාකයේ මිත්රශීලී ගුවන් සීමාව තුළ ගමන් කරමින් සිටියදී මෙම අනතුර සිදුව ඇත.
යානය සහ එහි සිටි කාර්ය මණ්ඩලය සොයා දැනටමත් මෙහෙයුම් ආරම්භ කර ඇති අතර, ගුවන් යානා දෙකක් සම්බන්ධ වී ඇති මෙම සිදුවීමෙන් එක් යානයක් අනතුරට පත් වී ඇති අතර අනෙක් යානය ආරක්ෂිතව ගොඩබස්වා තිබේ. අනතුරට හේතුව මෙතෙක් අනාවරණය වී නොමැති වුවද, එය කිසිදු සතුරු ප්රහාරයකින් හෝ හිතවත් පාර්ශවයක වෙඩි ප්රහාරයකින් (Hostile or friendly fire) සිදුවූවක් නොවන බව CENTCOM නිල වශයෙන් තහවුරු කරයි. ඉරාන-ඇමෙරිකානු යුදමය වාතාවරණය හමුවේ සිදුවූ මෙම අනතුර පිළිබඳව වැඩිදුර පරීක්ෂණ දැනටමත් ආරම්භ කර ඇත.
