ඇමරිකානු රාජ්ය ලේකම් මාර්කෝ රුබියෝ (Marco Rubio) සහ පෙන්ටගන ප්රධානී පීට් හෙග්සෙත් (Pete Hegseth) පදිංචිව සිටින වොෂින්ටන්හි ෆෝට් මැක්නෙයාර් (Fort McNair) හමුදා කඳවුරට ඉහළින් අභිරහස් ඩ්රෝන යානා කිහිපයක් සැරිසරනු නිරීක්ෂණය වී ඇති බව වොෂින්ටන් පෝස්ට් (Washington Post) පුවත්පත අද (19) උදෑසන වාර්තා කළේය.
පසුගිය දින 10ක කාලය තුළ අවස්ථා කිහිපයකදීම මෙම අභිරහස් ඩ්රෝන යානා කඳවුරට ඉහළින් සැරිසරා ඇති අතර, ඒ පිළිබඳව සාකච්ඡා කිරීමට ධවල මන්දිරයේ විශේෂ හමුවක් ද පවත්වා තිබේ. ඇමරිකාව සහ ඊශ්රායලය එක්ව ඉරානයට ප්රහාර එල්ල කරන පසුබිමක, ඇමරිකානු ඉහළ පෙළේ නායකයින් ඉලක්ක කර ගනිමින් මෙවැනි තර්ජන මතු වීම බරපතළ තත්ත්වයකි
ඉරාන ආරක්ෂක උපදේශක අලී ලාරිජානි සහ බුද්ධි අමාත්යවරයා ඝාතනය වීමෙන් පසු ඉරානය විසින් ඇමරිකාවට සහ ඊශ්රායලයට එරෙහිව දැඩි පළිගැනීම් සිදු කරන බවට කළ තර්ජනයත් සමඟ වොෂින්ටනයේ ආරක්ෂාව උපරිම මට්ටමට (High Alert) ඉහළ නංවා තිබේ
කටාර් සහ සවුදි අරාබියේ තෙල් හා ගෑස් නිධිවලට අද උදෑසන එල්ල වූ මිසයිල ප්රහාර සහ බග්ඩෑඩ් නුවර ඇමරිකානු තානාපති කාර්යාලයට එල්ල වූ ඩ්රෝන ප්රහාර හමුවේ, ඇමරිකානු භූමිය තුළම මෙවැනි අභිරහස් ඩ්රෝන යානා නිරීක්ෂණය වීම ලෝක යුද්ධයක පෙරනිමිති තවදුරටත් තහවුරු කරයි. ලෝක තෙල් මිල මේ වන විටත් බැරලයක මිල ඩොලර් 108 සීමාව ඉක්මවා ගොස් තිබේ
අද (19) පෙරවරු 9.30 ට රැස්වන ශ්රී ලංකා පාර්ලිමේන්තුවේදී, පස්වරුවේ පැවැත්වෙන “ලෝකයේ පවතින වර්තමාන තත්ත්වය” පිළිබඳ සභාව කල් තැබීමේ විවාදයේදී මෙම ඇමරිකානු ආරක්ෂක තර්ජනය සහ ගෝලීය බලපෑම පිළිබඳව දීර්ඝ ලෙස සාකච්ඡා වනු ඇත. අද පස්වරුවේ දිවයිනේ ප්රදේශ රැසකට තද වැසි සහ අකුණු සහිත අයහපත් කාලගුණයක් පවතින බව කාලගුණ විද්යා දෙපාර්තමේන්තුව පවසන අතර, ජාත්යන්තර දේශපාලන අංශ මෙම වර්ධනයන් පිළිබඳව අතිශය විමසිල්ලෙන් පසුවේ.
