ඇමරිකානු ආරක්ෂක ලේකම් පීට් හෙග්සෙත් (Pete Hegseth) පවසන්නේ, ඉරානයට එරෙහිව දියත් කර ඇති යුද මෙහෙයුම් ඇමරිකාව බලාපොරොත්තු වන සාර්ථක ප්රතිඵල අත්කර ගන්නා තෙක් අඛණ්ඩව පවත්වාගෙන යන බවයි. සතුරු පාර්ශ්වයට සිය මෙහෙයුම්වල සීමාවන් හෝ අවසානය පිළිබඳව කලින් දැනුම් දීමේ කිසිදු අවශ්යතාවක් නොමැති බව ද ඔහු අවධාරණය කළේය.
ආරක්ෂක ලේකම්වරයා වැඩිදුරටත් සඳහන් කළේ, මේ වන විට ඉරාන නාවික හමුදාව සම්පූර්ණයෙන්ම පාහේ විනාශ වී ඇති බවයි. ඇමරිකාව සමඟ සටන් කිරීමට තමන්ට නොහැකි බව අවබෝධ කරගත් පසු ඉරානය යටත් වනු ඇති බවත්, ජයග්රහණය පමණක් අරමුණු කරගනිමින් මෙම සටන ඉදිරියට ගෙන යන බවත් ඔහු පැවසීය. මෙම ප්රකාශයත් සමඟ මැදපෙරදිග කලාපයේ පවතින යුදමය වාතාවරණය තවදුරටත් උණුසුම් වනු ඇතැයි විදේශ පුවත් සේවා වාර්තා කරයි.
