ඉතිහාසය පුරා ඇමරිකානු හමුදා සහ බුද්ධි අංශ විසින් සිදු කළ සුවිශේෂී මෙහෙයුම් හේතුවෙන් ලොව විවිධ රටවල රාජ්ය නායකයන්, හමුදා ප්රධානීන් සහ තේරී පත් වූ පාලකයන් රැසක් සිය ධුරයන්ගෙන් ඉවත් කිරීමට හෝ ජීවිතක්ෂයට පත් කිරීමට පියවර ගෙන තිබේ. මෙහි නවතම වාර්තා වන්නේ 2026 වසරේදී ඉරාන උත්තරීතර නායක අයතුල්ලා අලි කමේනි ගුවන් ප්රහාරයකින් ඝාතනය වීම සහ වෙනිසියුලානු ජනාධිපති නිකොලස් මදුරෝ ඇමරිකානු විශේෂ බලකායන් විසින් අත්අඩංගුවට ගැනීමයි. මීට පෙර 2003 වසරේදී ඉරාකයේ සදාම් හුසේන් සහ 1989 වසරේදී පැනමාවේ මැනුවෙල් නොරීගා ද මෙලෙස ඇමරිකානු අත්අඩංගුවට පත් වූ ප්රබල පාලකයන් වේ.
රාජ්ය නායකයන්ට අමතරව, ලොව දරුණුතම ත්රස්තවාදී සංවිධාන මෙහෙයවූ නායකයන් රැසක් ද ඇමරිකානු මෙහෙයුම්වලින් අවසන් කර ඇත. 2011 වසරේදී අල්-කයිඩා නායක ඔසාමා බින් ලාඩන් පාකිස්ථානයේදී ඝාතනය කිරීම සහ 2019 වසරේදී ISIS නායක අබු බකර් අල්-බැග්ඩෑඩි සිරියාවේදී ඝාතනය කිරීම මෙහි ප්රධාන සන්ධිස්ථාන වේ. එමෙන්ම 2020 වසරේදී බැග්ඩෑඩ් නුවරදී එල්ල වූ ඩ්රෝන ප්රහාරයකින් අබු මහ්දි අල්-මුහන්දිස් සහ 2022 වසරේදී අයිමන් අල්-සවාහිරි ඝාතනය කිරීම හරහා ඇමරිකාව සිය ගෝලීය ආරක්ෂක උපක්රම ප්රදර්ශනය කර තිබේ.
