ඩොනල්ඩ් ට්රම්ප් සහ කිම් ජොන්ග් උන් අතර මේ මස අගදී පැවැත්වීමට නියමිත බව පැවසෙන සාකච්ඡාව පිළිබඳව ලෝක අවධානය යොමු වී ඇති පසුබිමක, ඉරානය තුළ ඇමරිකාව දියත් කර ඇති යුද මෙහෙයුම් උතුරු කොරියාවේ න්යෂ්ටික වැඩපිළිවෙළ කෙරෙහි තීරණාත්මක බලපෑමක් එල්ල කරන බව දේශපාලන විශ්ලේෂකයෝ පවසති. ට්රම්ප් පරිපාලනය විසින් ඉරානයට එරෙහිව එල්ල කරන ප්රහාර හමුවේ තම පාලනය සහ රටේ ස්ථාවරත්වය රැක ගැනීමට ඇති එකම මාවත න්යෂ්ටික අවි සන්තකයේ තබා ගැනීම බව උතුරු කොරියාව තවදුරටත් විශ්වාස කිරීමට පටන් ගෙන තිබේ. පසුගියදා උතුරු කොරියානු නාවික හමුදාවට අයත් ‘චෝ හ්යොන්’ යුද නෞකාවේ සිට සිදුකළ මිසයිල පරීක්ෂණය නිරීක්ෂණය කරමින් කිම් ජොන්ග් උන් ප්රකාශ කළේ නෞකාවන් න්යෂ්ටික අවිවලින් සන්නද්ධ කිරීමේ ක්රියාවලිය සාර්ථක ප්රගතියක් අත්කර ගනිමින් සිටින බවයි. ඉරානය සතුව න්යෂ්ටික අවි නොතිබීම හේතුවෙන් එම පාලන තන්ත්රය අද වන විට බරපතළ පැවැත්මේ තර්ජනයකට මුහුණ දී සිටින බව කිම් ජොන්ග් උන් විශ්වාස කරන බව දකුණු කොරියානු ආරක්ෂක විශ්ලේෂකයෝ පෙන්වා දෙති.
