ඉරාන යුද්ධය හේතුවෙන් ලෝක වෙළඳපොළේ බොරතෙල් මිල ඉහළ යාම නිසා ඇමරිකානු තෙල් නිෂ්පාදකයින්ට (Oilmen) විශාල මූල්යමය වාසි අත්වෙමින් පවතින බව ‘ද ඉකොනොමිස්ට්’ (The Economist) සඟරාව වාර්තා කරයි. පසුගිය මාර්තු 23 වනදා හූස්ටන් (Houston) නුවර පැවැති “CERAWeek” බලශක්ති සමුළුවේදී ඇමරිකානු බලශක්ති ලේකම් ක්රිස් රයිට් (Chris Wright) මහතා ප්රකාශ කළේ, ලෝකය පුරා යුදමය වාතාවරණයක් සහ වෙළඳපොළ උච්චාවචනයන් පැවතියද, ඇමරිකානු තෙල් කර්මාන්තයට මෙය “හොඳ කාලයක්” උදා කර ඇති බවයි.
විශේෂයෙන්ම ටෙක්සාස් වැනි ප්රාන්තවල බොරතෙල් බැරලයක මිල ඇමරිකානු ඩොලර් 100 සීමාව ඉක්මවා යාම නිසා තෙල් සමාගම් දැවැන්ත ලාභයක් ලබනු ඇතැයි අපේක්ෂා කෙරේ. ‘Rystad’ උපදේශන ආයතනයේ පුරෝකථනයන්ට අනුව, වසර පුරා තෙල් මිල මෙම මට්ටමේ පැවතියහොත් ඇමරිකානු සමාගම්වලට හිමිවන අතිරික්ත ලාභය ඉතා ඉහළ අගයක් ගනු ඇත.
කෙසේ වෙතත්, මෙම තත්ත්වය පිළිබඳව යම් දෙගිඩියාවක් ද පවතින බව එම වාර්තාව පෙන්වා දෙයි. යුද්ධය නිසා ඇතිවී තිබෙන අවිනිශ්චිතතාවය හේතුවෙන් ඇමරිකානු නිෂ්පාදකයින් සිය සැපයුම කඩිනමින් ඉහළ නැංවීමට (Ramping up supply) මැලිවිය හැකි අතර, එය දිගුකාලීන ලාභ කෙරෙහි බලපෑම් එල්ල කළ හැකිය. එමෙන්ම ලෝක වෙළඳපොළේ පවතින අස්ථාවරත්වය හමුවේ සැපයුම් දාමයන්ට එල්ල වන බාධා ද මෙම ලාභය සීමා වීමට හේතු විය හැකි බව විශ්ලේෂකයෝ පවසති.
