අමෙරිකාව විසින් ක්රියාත්මක කරන ‘ඔපරේෂන් එපික් ෆියුරි’ (Operation Epic Fury) මෙහෙයුමේ 10 වන දිනය සනිටුහන් කරමින්, ඉරානයට එරෙහිව මෙතෙක් එල්ල කළ ප්රබලතම ප්රහාර මාලාව අද (10) දියත් කරන බව අමෙරිකානු ආරක්ෂක ලේකම් පීට් හෙග්සෙත් (Pete Hegseth) ප්රකාශ කර තිබේ. පෙන්ටගනයේ පැවති මාධ්ය හමුවකදී ඔහු අවධාරණය කළේ වැඩිම ප්රහාරක යානා සහ බෝම්බ ප්රමාණයක් යොදාගනිමින් අද දිනය තුළ ඉරානයේ යුද ශක්තිය අඩපණ කරන බවයි.
ඉරානයේ මිසයිල ගබඩා විනාශ කිරීම, නාවික හමුදාව අකර්මන්ය කිරීම සහ න්යෂ්ටික අවි ලබාගැනීමේ හැකියාව සදහටම අහිමි කිරීම මෙම මෙහෙයුමේ ප්රධාන අරමුණු බව ආරක්ෂක ලේකම්වරයා පැවසීය. මේ අතර, ජනාධිපති ඩොනල්ඩ් ට්රම්ප් සිය ‘Truth Social’ ගිණුමේ සටහනක් තබමින් අනතුරු අඟවා ඇත්තේ, හෝමුස් සමුද්ර සන්ධිය අවහිර කිරීමට ඉරානය උත්සාහ කළහොත් මෙතෙක් එල්ල කළ ප්රහාර මෙන් විසි ගුණයක (20x) ප්රහාරයකට මුහුණ දීමට ඔවුන්ට සිදුවන බවයි. ඉරානයේ නව උත්තරීතර නායක මෝජ්ටාබා කමේනි සාමකාමී වනු ඇතැයි තමන් විශ්වාස නොකරන බව ද ට්රම්ප් වැඩිදුරටත් සඳහන් කර ඇත.
