ඝාතනයට ලක් වූ ප්රකට කොන්සර්වේටිව් ක්රියාකාරිකයෙකු වන චාලි කර්ක්ගේ (Charlie Kirk) වැන්දඹු බිරිඳ වන එරිකා කර්ක් (Erika Kirk), අමෙරිකානු ගුවන් හමුදා ඇකඩමියේ අමුත්තන්ගේ මණ්ඩලය (Board of Visitors) සඳහා පත් කර තිබේ. මෙම පත්වීම ජනාධිපති ඩොනල්ඩ් ට්රම්ප් විසින් සිදු කර ඇති අතර, මණ්ඩලයේ සභාපති ඕගස්ට් ප්ලූගර් (August Pfluger) එම තීරණය අගය කරමින් පවසා ඇත්තේ චාලි කර්ක් ආරම්භ කළ මෙහෙවර ඉදිරියට ගෙන යාමට සුදුසුම පුද්ගලයා එරිකා බවයි. 2025 වසරේදී චාලි කර්ක් මෙම මණ්ඩලයට පත් කෙරුණු අතර, ඔහු පසුගිය සැප්තැම්බර් මාසයේදී ඝාතනයට ලක්වීමෙන් පසු ඇති වූ පුරප්පාඩුව සඳහා මෙලෙස එරිකා කර්ක් පත් කර ඇත.
චාලි කර්ක්ගේ අභාවයෙන් පසු ඔහු විසින් ආරම්භ කරන ලද ‘ටර්නින් පොයින්ට් යූඑස්ඒ’ (Turning Point USA) සංවිධානයේ නායකත්වය ද එරිකා විසින් භාර ගන්නා ලදී. කෙසේ වෙතත්, ඇය මෙම ගුවන් හමුදා උපදේශක මණ්ඩලයට පත් කිරීමත් සමඟ ඇයගේ අධ්යාපනික සහ වෘත්තීය සුදුසුකම් පිළිබඳව ඇතැම් පාර්ශව ප්රශ්න කරමින් සිටියි. දේශපාලන ක්රියාකාරිනියක ලෙස ඇය දක්වන දායකත්වය අගය කළද, හමුදාමය අධ්යාපන ආයතනයක තීන්දු තීරණ ගන්නා මණ්ඩලයකට ඇය පත් කිරීම සම්බන්ධයෙන් සමාජ මාධ්ය තුළ විවිධ මත පළ වෙමින් පවතී. එහෙත් රජයේ ස්ථාවරය වන්නේ ඇයගේ දේශපාලන දැක්ම සහ තරුණ පරපුර දිරිගැන්වීමේ හැකියාව ඇකඩමියේ අභිවෘද්ධියට ඉවහල් වන බවයි.
