ඉරානය සමඟ පවතින යුදමය ගැටුම් තවදුරටත් තීව්ර කරමින්, ඉරානය කොන්දේසි විරහිතව යටත් වීම හැර වෙනත් කිසිදු රාජ්යතාන්ත්රික සාකච්ඡාවක් හෝ ගනුදෙනුවක් සිදු නොකරන බව ඇමෙරිකානු රජය යළිත් අවධාරණය කර තිබේ. මැදපෙරදිග කලාපයේ පවතින නොසන්සුන්කාරී වාතාවරණය මධ්යයේ ඉරානයට එරෙහිව සිය දැඩි පිළිවෙත ඉදිරියටම ගෙන යන බවට ඇමෙරිකාව මෙහිදී ඉඟි පළ කර ඇත.
ඇමෙරිකානු ආරක්ෂක අංශ සහ ඉහළ පෙළේ නිලධාරීන් පෙන්වා දෙන්නේ, ඉරාන පාලන තන්ත්රය විසින් සිදුකරන ක්රියාකලාපයන් පාලනය කිරීමට නම් ඔවුන් පූර්ණ වශයෙන් යටත් විය යුතු බවයි. මෙම ප්රකාශයත් සමඟ කලාපීය සාමය උදෙසා ජාත්යන්තරය ගෙන යන මැදිහත්වීම්වලට විශාල බාධාවක් එල්ල වී ඇති අතර, ඉදිරි දින කිහිපය තුළ දෙරට අතර ගැටුම් තවදුරටත් දරුණු විය හැකි බවට විදේශ විශ්ලේෂකයෝ මත පළ කරති.
