ඉන්දු-පැසිෆික් කලාපය පුරා ආරක්ෂිත, උසස් තත්ත්වයේ සහ දැරිය හැකි මිලකට ලබාගත හැකි ස්මාර්ට්ෆෝන් උපාංග ප්රචලිත කිරීමේ අරමුණින් ඇමරිකානු රාජ්ය දෙපාර්තමේන්තුව ඩොලර් මිලියන 200ක මූල්ය ආධාර පැකේජයක් ප්රකාශයට පත් කර තිබේ. ‘Edge AI Package’ ලෙස නම් කර ඇති මෙම ව්යාපෘතිය හරහා කලාපයේ තාක්ෂණික සබඳතා ශක්තිමත් කිරීම ඇමරිකාවේ අරමුණයි.
මෙම අරමුදල් ලබා ගැනීම සඳහා ආරක්ෂිත ස්මාර්ට්ෆෝන් තාක්ෂණය දියුණු කරන සමාගම් හෝ සංවිධානවලට අයදුම් කළ හැකිය. ඒ සඳහා වන අයදුම්පත් කැඳවීම දින 90ක කාලයක් විවෘතව පවතින අතර, ඇමරිකානු කොංග්රස් මණ්ඩලයේ අනුමැතිය සහ ප්රතිපාදන පවතින ආකාරය අනුව අරමුදල් නිදහස් කෙරෙනු ඇත.
මෙම පියවර ඇමරිකාව විසින් ක්රියාවට නංවන ‘Pax Silica’ (සිලිකා සාමය) වැඩපිළිවෙළේ කොටසක් ලෙස සැලකේ. චීන තාක්ෂණික ආධිපත්යයට විකල්පයක් ලෙස ඉන්දු-පැසිෆික් කලාපයට ආරක්ෂිත සහ විශ්වාසවන්ත ඇමරිකානු තාක්ෂණය හඳුන්වා දීම මෙහි ප්රධාන උපායමාර්ගික ඉලක්කය වී තිබේ.
මෙම අරමුදල් යටතේ නිපදවන හෝ බෙදා හරින උපාංග පෞද්ගලිකත්වය සුරකින, අධිවේගී දත්ත සැකසීමේ හැකියාව සහිත (Edge AI) සහ සාමාන්ය ජනතාවට මිලදී ගත හැකි මට්ටමේ පවතින ඒවා විය යුතු බව රාජ්ය දෙපාර්තමේන්තුව අවධාරණය කරයි.
මෙම ආයෝජනය හරහා ඉන්දියාව ඇතුළු ඉන්දු-පැසිෆික් කලාපීය රටවල ඩිජිටල් යටිතල පහසුකම් වර්ධනය කිරීමටත්, තොරතුරු තාක්ෂණ ක්ෂේත්රයේ ආරක්ෂාව තහවුරු කිරීමටත් ඇමරිකාව බලාපොරොත්තු වේ.
