අමෙරිකාව විසින් ඉරානයට අයත් කාර්ග් දූපත (Kharg Island) වෙත එල්ල කළ ප්රහාරයට ප්රතිචාර වශයෙන්, එක්සත් අරාබි එමීර් රාජ්යයේ (UAE) පිහිටි අමෙරිකානු හමුදා මධ්යස්ථාන සහ “සැඟවුණු ස්ථාන” (Hideouts) නීත්යානුකූල ඉලක්ක ලෙස සලකා ප්රහාර එල්ල කරන බව ඉරාන ඉස්ලාමීය විප්ලව ආරක්ෂක බලකාය (IRGC) නිවේදනය කර තිබේ. ඉරාන ස්වෛරීභාවය ආරක්ෂා කර ගැනීම වෙනුවෙන් අමෙරිකානු මිසයිල දියත් කරන මධ්යස්ථාන ඉලක්ක කිරීම සිය අයිතියක් බව ඔවුන් අවධාරණය කරයි.
ඉරාන විප්ලව ආරක්ෂක බලකාය නිකුත් කළ ප්රකාශය මගින් එක්සත් අරාබි එමීර් රාජ්යයේ වරායවල්, තොටුපළවල් සහ අමෙරිකානු සොල්දාදුවන් රැඳී සිටින නගර ආශ්රිත ස්ථාන පිළිබඳව විශේෂ අවධානයක් යොමු කර ඇත. ප්රහාර එල්ල වීමේ අවදානමක් පවතින බැවින් අමෙරිකානු හමුදා නිලධාරීන් ගැවසෙන ස්ථාන සහ වරාය පරිශ්රයන්ගෙන් වහාම ඉවත් වන ලෙස ඉරානය එම රටේ වෙසෙන සිවිල් වැසියන්ගෙන් ඉල්ලා සිටියි. මෙම තත්ත්වය මැදපෙරදිග කලාපයේ පවතින යුදමය වාතාවරණය තවදුරටත් උග්ර වීමට හේතු වී තිබේ.
