ජාත්යන්තර හදිසි ආර්ථික බලතල පනත (IEEPA) යටතේ පනවා තිබූ බදු අය කිරීම ලබන අඟහරුවාදා අලුයම 12:01 සිට නතර කරන බව ඇමරිකානු රේගු සහ දේශසීමා ආරක්ෂණ ඒජන්සිය (CBP) නිවේදනය කර තිබේ. ඇමරිකානු ශ්රේෂ්ඨාධිකරණය විසින් මෙම බදු අය කිරීම් නීති විරෝධී බවට තීන්දු කර දින තුනකට පසුව මෙම තීරණය ගෙන ඇත. ඒ අනුව ජනාධිපති ඩොනල්ඩ් ට්රම්ප් විසින් මීට පෙර නිකුත් කරන ලද අදාළ නියෝගවලට සම්බන්ධ සියලුම තීරුබදු කේත අක්රිය කිරීමට පියවර ගැනේ.
කෙසේ වෙතත්, ශ්රේෂ්ඨාධිකරණය මගින් අවලංගු කරන ලද මෙම බදු වෙනුවට වෙනත් නීතිමය ප්රතිපාදන යටතේ 15% ක නව ගෝලීය බද්දක් හඳුන්වා දීමට ට්රම්ප් පරිපාලනය කටයුතු කර ඇත. අධිකරණ තීන්දුවෙන් පසුව ද තවදුරටත් බදු අය කිරීමට හේතුව හෝ ආනයනකරුවන්ට හිමිවිය යුතු බදු මුදල් ප්රතිපූරණය කිරීම (Refunds) සම්බන්ධයෙන් රේගු ඒජන්සිය මෙතෙක් පැහැදිලි කිරීමක් කර නොමැත. ආර්ථික විශේෂඥයන් පෙන්වා දෙන පරිදි, මෙම නීති විරෝධී බදු හරහා ඇමරිකානු භාණ්ඩාගාරයට දිනකට ඩොලර් මිලියන 500කට අධික ආදායමක් උත්පාදනය වී ඇති අතර, ඒ අනුව ඩොලර් බිලියන 175කට අධික මුදලක් යළි ගෙවීමට සිදුවනු ඇතැයි ගණන් බලා තිබේ.
