රුසියාවෙන් බලශක්ති මිලදී ගැනීම දිගටම කරගෙන යාම සඳහා අමෙරිකා එක්සත් ජනපදය විසින් ඉන්දියාවට ලබා දී ඇති දින 30ක සහනය (Waiver), ඉතා කණගාටුදායක තත්ත්වයක් බව බලශක්ති වෙළඳපල සහ භූ දේශපාලන විශේෂඥ ආචාර්ය අනාස් එල්-හජ්ජි (Dr. Anas El-Hajji) පවසයි. “හින්දුස්ථාන් ටයිම්ස්” පෝඩ්කාස්ට් (Podcast) වැඩසටහනකට එක්වෙමින් ඔහු මෙම අදහස් පළ කළේය.
පළමුව, ඉන්දියාව වැනි මහා රාජ්යයක් රුසියානු තෙල් මිලදී ගැනීම සඳහා ජනාධිපති ඩොනල්ඩ් ට්රම්ප්ගෙන් හෝ ඔහුගේ රජයෙන් අවසර ලබා ගත යුත්තේ ඇයිද යන්න ඔහු ප්රශ්න කරයි. දෙවනුව, මැදපෙරදිග යුද්ධය ඉක්මනින් අවසන් වන බවත් ඉරාන නාවික හමුදාව විනාශ කර ඇති බවත් පවසන පසුබිමක, නැව්වලට ආරක්ෂාව සහ රක්ෂණ පහසුකම් ලබා දීමට ට්රම්ප් පොරොන්දු වී තිබියදීත් මෙවැනි සහනයක් ලබා දීමෙන් හැඟී යන්නේ කලාපීය අර්බුදය තවදුරටත් පවතින බව යැයි ඔහු පෙන්වා දෙයි.
ආචාර්ය එල්-හජ්ජි වැඩිදුරටත් සඳහන් කළේ ඩොනල්ඩ් ට්රම්ප් සැමවිටම අඩු තෙල් මිලට එරෙහිව කටයුතු කරන්නෙකු බවයි. අමෙරිකානු සම්බාධක මධ්යයේ ඉන්දියාව මෙලෙස රුසියානු බොරතෙල් මිලදී ගැනීම දිගටම කරගෙන යාම, ඉදිරි කාලයේදී ගෝලීය බලශක්ති ස්ථාවරත්වයට කෙසේ බලපානු ඇත්දැයි ලෝක දේශපාලන විචාරකයෝ විමසිල්ලෙන් පසුවෙති.
