2026 පන්දුවාර 20යි 20 ලෝක කුසලාන තරගාවලිය යටතේ අද (15) පැවැත්වෙන අමෙරිකා එක්සත් ජනපදය සහ නැමීබියාව අතර තරගයේදී පළමුවෙන් පන්දුවට පහරදුන් අමෙරිකානු කණ්ඩායම නියමිත පන්දුවාර 20 අවසානයේ කඩුලු 4ක් පමණක් දැවී ලකුණු 199ක ප්රබල ලකුණු සංඛ්යාවක් රැස් කිරීමට සමත් විය. කාසියේ වාසිය දිනා පළමුව පන්දුවට පහරදීමට තීරණය කළ අමෙරිකානු ඉනිම ශක්තිමත් කළ සංජේ ක්රිෂ්ණමූර්ති වේගවත් ලකුණු 68ක් නොදැවී රැස් කළ අතර, නායක මොනන්ක් පටෙල් අගනා අර්ධ ශතකයක් (52) ලබා ගනිමින් ඉනිමට ස්ථාවරත්වයක් ලබා දුන්නේය. මීට අමතරව මිලින්ද කුමාර් ලකුණු 28ක් රැස් කරමින් ඉනිමේ ලකුණු සංඛ්යාව ඉහළ දැමීමට දායක විය.
පන්දු යැවීමේදී නැමීබියාව වෙනුවෙන් විලෙම් මයිබර්ග් ලකුණු 34කට කඩුලු 2ක් දවාගත් අතර, නායක ගෙරාර්ඩ් ඉරැස්මස් එක් කඩුල්ලක් දවා ගැනීමට සමත් විය. ඒ අනුව නැමීබියාවට මෙම තරගය ජයග්රහණය කිරීම සඳහා ලකුණු 200ක ඉලක්කයක් හිමිව ඇති අතර, අමෙරිකානු පන්දු යවන්නන් හමුවේ ඔවුන් මෙම ඉලක්කය හඹායන ආකාරය පිළිබඳව දැන් ක්රීඩා ලෝලීන්ගේ දැඩි අවධානය යොමුව පවතී.
