උස්බෙකිස්තානයේ සෞඛ්ය ක්ෂේත්රයේ මූල්ය සහ සේවා සැපයීමේ ක්රියාවලිය සම්පූර්ණයෙන් වෙනස් කරමින් 2026 වසරේ සිට රට පුරා නව රාජ්ය වෛද්ය රක්ෂණ ක්රමයක් හඳුන්වා දීමට එරට රජය තීරණය කර තිබේ. මෙම ප්රතිසංස්කරණයේ ප්රධාන අරමුණ වන්නේ සෞඛ්ය සේවාවල කාර්යක්ෂමතාව ඉහළ නැංවීම, ජනතාවට සේවාවන් සඳහා ඇති ප්රවේශය පුළුල් කිරීම සහ නිල නොවන ගෙවීම් අවම කිරීමයි.
මෙම නව ක්රමය යටතේ ඩිජිටල් යොමු කිරීමේ පද්ධති (Digital referrals), ජාතික සෞඛ්ය රක්ෂණ අරමුදලක් සහ රජයේ අයවැය මගින් ප්රතිපාදන වෙන් කෙරෙන අත්යවශ්ය වෛද්ය සේවා පැකේජයක් ජනතාවට හිමි වේ. මෙය ගුණාත්මක සෞඛ්ය සේවාවක් සහතික කෙරෙන සමාජ ආරක්ෂණ පද්ධතියක් බව එරට රාජ්ය සෞඛ්ය රක්ෂණ අරමුදලේ විධායක අධ්යක්ෂ සොඛිඩ් අර්මාටොව් (Zokhid Ermatov) පවසයි.
මෙමඟින් රෝගීන්ට වඩාත් විනිවිදභාවයකින් යුත් සේවාවක් ලබා ගැනීමට අවස්ථාව සැලසෙන අතර, රාජ්ය මැදිහත්වීම මත සෞඛ්ය සේවාවේ ප්රමිතිය ඉහළ නැංවීමට ද අපේක්ෂිතය.
