මධ්යම කඳුකරයේ බටහිර බැවුම් ප්රදේශවලට දැනට බලපා ඇති දැඩි වියළි කාලගුණය හේතුවෙන් කාසල්රි සහ මවුස්සාකැලේ යන ප්රධාන ජලාශවල ජල මට්ටම වේගයෙන් පහළ යමින් පවතින බව එම ජලාශ භාර ඉංජිනේරුවෝ ප්රකාශ කරති. අද (19) උදෑසන 6 වන විට වාර්තා වූ දත්ත අනුව මවුස්සාකැලේ ජලාශය පිටාර මට්ටමේ සිට අඩි 27 අඟල් 06කින් සහ කාසල්රි ජලාශය පිටාර මට්ටමේ සිට අඩි 26 අඟල් 11කින් පහළ බැස තිබේ.
මෙම තත්ත්වය හේතුවෙන් ලක්ෂපාන ජල විදුලි පද්ධතියට අයත් විමලසුරේන්ද්ර, කැනියොන්, ලක්ෂපාන, නව ලක්ෂපාන සහ පොල්පිටිය යන ජල විදුලි බලාගාරවල විදුලි උත්පාදන කටයුතු සඳහා ද බලපෑම් එල්ල විය හැකිය. ජලාශවල ජල මට්ටම පහළ යාමත් සමඟ කැළණි ගඟේ ජල මට්ටම ද සැලකිය යුතු ලෙස අඩු වී ඇති බව වාරිමාර්ග දෙපාර්තමේන්තුව පෙන්වා දෙයි.
වියළි කාලගුණයත් සමඟ ජලාශ පතුලේ ගිලී තිබූ පැරණි නටබුන් සහ ගොඩනැගිලි ද යළි මතුවෙමින් පවතින බව ප්රදේශවාසීහු පවසති. මෙම ජල මට්ටම අඩුවීම ඉදිරි දිනවලදී පානීය ජල සැපයුමට බලපෑම් කළ හැකි බැවින් ජලය අරපිරිමැස්මෙන් භාවිත කරන ලෙස බලධාරීහු ජනතාවගෙන් ඉල්ලා සිටිති.
