තිස්සමහාරාමය – මාතර ප්රධාන මාර්ගයේ වීරවිල ප්රදේශයේදී අද (18) දහවල් ශ්රී ලංගම බස් රථ දෙකක් එකිනෙක ගැටීමෙන් දරුණු රිය අනතුරක් සිදුව තිබේ. මෙම අනතුරින් පුද්ගලයින් තිදෙනෙකු මියගොස් තවත් පස්දෙනෙකු තුවාල ලබා ඇති බව පොලිස් මාධ්ය ප්රකාශකවරයා තහවුරු කළේය.
වීරවිල ප්රදේශයේදී ප්රතිවිරුද්ධ දිශාවලින් ධාවනය වූ ලංගම බස් රථ දෙකක් මෙලෙස මුහුණට මුහුණ ගැටී ඇති අතර, අනතුරින් බස් රථ දෙකටම දැඩි හානි සිදුව ඇත
අනතුරින් තුවාල ලැබූ පිරිස වහාම ප්රදේශවාසීන්ගේ සහාය ඇතිව රෝහල්ගත කිරීමට පියවර ගෙන ඇති අතර, ප්රතිකාර ලබමින් සිටියදී තිදෙනෙකු මියගොස් තිබේ
තුවාල ලැබූ පිරිස අතර බස් රථවල රියදුරන් සහ කොන්දොස්තරවරුන් සිටිනවාද යන්න පිළිබඳව පොලිසිය වැඩිදුර විමර්ශන සිදු කරයි
අද දින පවතින උත්සන්න වූ ඉන්ධන අර්බුදය හමුවේ පෞද්ගලික ප්රවාහන සේවා සීමා වී ඇති පසුබිමක, ලංගම බස් රථ සඳහා පවතින දැඩි ඉල්ලුම සහ කාර්යබහුලත්වය මෙම අනතුරට බලපා ඇත්දැයි සැක කෙරේ. ඊයේ දහවල් දෙහිඅත්තකණ්ඩියේදී සිදුවූ දරුණු අනතුරින් පසු වාර්තා වූ දෙවන මාරක රිය අනතුර මෙය වේ.
