සම්බාහන මධ්යස්ථානයක් මුවාවෙන් පවත්වාගෙන ගිය ගණිකා නිවාසයක් කොළඹ දකුණ කොට්ඨාස අපරාධ විමර්ශන කාර්යාංශය විසින් වටලා තිබේ. වැල්ලවත්ත පොලිස් වසමේ මුහුදු පාර ප්රදේශයේදී ඊයේ (12) රාත්රී කාලයේදී මෙම වැටලීම සිදුකර ඇති බව වාර්තා වේ.
ලැබුණු තොරතුරක් මත සිදුකළ මෙම වැටලීමේදී, අදාළ ස්ථානය කළමනාකරණය කරන ලද සැකකාරියක් සහ ගණිකා සේවයේ යෙදීමට රැඳී සිටි තවත් සැකකාරියක් පොලිස් අත්අඩංගුවට පත්ව ඇත. මෙලෙස අත්අඩංගුවට ගත් සැකකාරියන් දෙදෙනා වයස අවුරුදු 36 සහ 41 යන වයස්වල පසුවන තායිලන්ත ජාතික කාන්තාවන් බව අනාවරණය වී තිබේ.
සිද්ධිය සම්බන්ධයෙන් වැල්ලවත්ත පොලිසිය වැඩිදුර විමර්ශන කටයුතු සිදුකරනු ලබයි.
