බස්නාහිර පළාත තුළ සිදුවන අපරාධ, මත්ද්රව්ය ජාවාරම් සහ අනෙකුත් නීති විරෝධී ක්රියාවන් මැඩපැවැත්වීම සඳහා මහජනතාවට තොරතුරු ලබා දීමට හැකි නව WhatsApp ක්ෂණික ඇමතුම් අංකයක් ශ්රී ලංකා පොලිසිය විසින් අද (18) හඳුන්වා දී තිබේ.
බස්නාහිර පළාතේ සිදුවන ඕනෑම අපරාධයක් හෝ මත්ද්රව්ය ජාවාරමක් සම්බන්ධයෙන් 077 7128128 යන WhatsApp අංකය හරහා තොරතුරු, ඡායාරූප හෝ වීඩියෝ දර්ශන යොමු කිරීමට මහජනතාවට අවස්ථාව පවතී
මෙම අංකය හරහා ලැබෙන තොරතුරු බස්නාහිර පළාත් ජ්යෙෂ්ඨ නියෝජ්ය පොලිස්පති කාර්යාලයේ ස්ථාපිත කර ඇති විශේෂ මෙහෙයුම් මධ්යස්ථානය වෙත සෘජුවම යොමු කෙරෙන අතර එය පැය 24 පුරාම ක්රියාත්මක වේ
තොරතුරු ලබා දෙන පුද්ගලයන්ගේ අනන්යතාවය සහ රහස්යභාවය උපරිම අයුරින් ආරක්ෂා කරන බවට පොලිස් මාධ්ය කොට්ඨාසය සහතික වෙයි
අද දිනයේම QR ලියාපදිංචියේ ගැටලු විසඳීමට ඩිජිටල් අමාත්යාංශය හඳුන්වා දුන් WhatsApp අංකයට අමතරව, අපරාධ මර්දනය සඳහා පොලිසිය ගත් මෙම පියවර තාක්ෂණය ඔස්සේ මහජන ආරක්ෂාව තහවුරු කිරීමට ගත් වැදගත් උත්සාහයක් ලෙස සැලකේ.
