ඇමෙරිකානු රජයේ අභ්යන්තර තොරතුරු (Insider Information) භාවිතා කරමින් අනාවැකි වෙළෙඳපොළවල් හරහා ඔට්ටු ඇල්ලීමෙන් වළකින ලෙස ධවල මන්දිර කාර්ය මණ්ඩලය වෙත විශේෂ අනතුරු ඇඟවීමක් කර තිබේ. පසුගිය මාර්තු 24 වනදා මෙම නිල විද්යුත් පණිවුඩය කාර්ය මණ්ඩලය වෙත යොමු කර ඇත්තේ, ඉරාන බලාගාර සහ බලශක්ති යටිතල පහසුකම් වෙත ප්රහාර එල්ල කරන බවට ජනාධිපති ඩොනල්ඩ් ට්රම්ප් විසින් එල්ල කර තිබූ තර්ජනය දින පහකට අත්හිටුවන බව නිවේදනය කර දිනකට පසුව වීම විශේෂත්වයකි.
Kalshi සහ Polymarket වැනි වේදිකා හරහා රජයේ නිලධාරීන් ප්රසිද්ධ නොකළ තොරතුරු භාවිතා කරමින් මූල්ය වාසි ලබා ගැනීමට පෙළඹී ඇති බවට පළවූ මාධ්ය වාර්තා පදනම් කරගනිමින් මෙම පියවර ගෙන ඇත. කෙසේ වෙතත්, ධවල මන්දිර ප්රකාශක ඩේවිස් ඉන්ගල් (Davis Ingle) බීබීසී පුවත් සේවයට ප්රකාශ කර ඇත්තේ, කිසිදු සාක්ෂියක් නොමැතිව පරිපාලන නිලධාරීන් එවැනි ක්රියාවල නිරත වන බවට පළවන වාර්තා පදනම් විරහිත සහ වගකීම් විරහිත බවයි. සියලුම ෆෙඩරල් සේවකයින් රජයේ ආචාර ධර්ම පද්ධතියට යටත් වන බවත්, පෞද්ගලික මූල්ය වාසි සඳහා අභ්යන්තර තොරතුරු භාවිතා කිරීම එමගින් දැඩි ලෙස තහනම් කර ඇති බවත් ඔහු වැඩිදුරටත් අවධාරණය කළේය.
