2026 ජාත්යන්තර කාන්තා දිනය වෙනුවෙන් විශේෂ සුබපැතුම් පණිවිඩයක් නිකුත් කරමින් කාන්තා හා ළමා කටයුතු අමාත්ය සරෝජා සාවිත්රි පෝල්රාජ් මහත්මිය සඳහන් කරන්නේ, කාන්තාව පවුලේ බර දරන්නියකට පමණක් සීමා නොකර රටේ ආර්ථිකයේ සක්රීය හවුල්කාරියක් බවට පත් කිරීම රජයේ වගකීමක් බවයි.
අමාත්යවරියගේ පණිවිඩයේ ඇතුළත් ප්රධාන කරුණු මෙසේය. ස්ත්රී-පුරුෂ සමාජභාවය මත ධාරිතාවය තීරණය කළ අතීතය වෙනස් කරමින් අද වන විට ප්රවාහන, සංචාරක සහ නිෂ්පාදන වැනි විවිධ ක්ෂේත්රවල කාන්තාවන් පෙරමුණ ගෙන සිටීම සාධනීය තත්ත්වයක් බව ඇය පෙන්වා දෙයි. එසේ වුවද දවස අවසානයේ කාන්තාවන් නිවෙස් තුළ සිදුකරන, මූල්යමය වශයෙන් අගය නොකළ “සුරැකුම් ශ්රමය” (Care work) සඳහා නිසි වටිනාකමක් ලබා දීම මෙවර රජයේ විශේෂ අවධානයට යොමු වී තිබේ.
“පොහොසත් රටක් – ලස්සන ජීවිතයක්” ප්රතිපත්ති ප්රකාශය අනුව සංවර්ධනය යනු ආර්ථික දර්ශක පමණක් නොව සෑම කාන්තාවකටම ගෞරවනීය ජීවිතයක් උරුම කර දීම බව ඇය අවධාරණය කරයි. ඒ වෙනුවෙන් පවතින ව්යූහාත්මක බාධා ඉවත් කර කාන්තාවට තීරණ ගැනීමේ ක්රියාවලියේ සම අයිතිය ලබා දීමට රජය බැඳී සිටින බව ද අමාත්යවරිය සඳහන් කළාය. ග්රාමීය හෝ නාගරික ලෙස බෙදා වෙන් නොකළ අභිමානවත් ශ්රී ලාංකීය කාන්තාවක් ගොඩනැගීම වෙනුවෙන් එක්වන ලෙස ඇය සමස්ත පුරවැසියන්ගෙන් ඉල්ලා සිටියි.
