එක්සත් ජාතීන්ගේ මහා මණ්ඩලය විසින් ප්රකාශයට පත් කරන ලද “ලෝක වනාන්තර දිනය” අද (21) දිනට යෙදී තිබේ. 2012 වසරේදී ගත් තීරණයකට අනුව 2013 වසරේ සිට ජාත්යන්තරව මෙම දිනය සමරනු ලබන අතර, ශ්රී ලංකාව 2014 වසරේ සිට නිල වශයෙන් මෙම සැමරුමට එක්ව සිටී. වනාන්තරවල ඇති වටිනාකම සහ විවිධ පරිසර පද්ධතීන්ගේ වැදගත්කම පිළිබඳව ගෝලීය අවධානය යොමු කරමින්, වනාන්තර සුරැකීම සඳහා ජනතාව දැනුවත් කිරීම මෙහි මූලික අරමුණයි.
මෙවර ලෝක වනාන්තර දිනය නිමිත්තෙන් ශ්රී ලංකාවේ වනාන්තර 50ක් අලුතින් රක්ෂිත ලෙස නම් කිරීමට පියවර ගන්නා බව පරිසර අමාත්ය ධම්මික පටබැඳි මහතා ප්රකාශ කර තිබේ. මැදපෙරදිග යුදමය වාතාවරණය හමුවේ ඇති වී තිබෙන ගෝලීය බලශක්ති සහ ආහාර අර්බුද හමුවේ, මෙරට ස්වභාවික සම්පත් ආරක්ෂා කර ගැනීම සහ පාරිසරික සමතුලිතතාව පවත්වා ගැනීම අතිශය තීරණාත්මක වී ඇත. විශේෂයෙන්ම ජල පෝෂක ප්රදේශ සුරැකීම සහ දේශගුණික විපර්යාසවලට ඔරොත්තු දෙන හරිත ආවරණයක් පවත්වා ගැනීම රජයේ ඉදිරි සංවර්ධන ඉලක්කයන්හි ප්රමුඛතාවක් ගනී.
