අනුරාධපුර දිස්ත්රික්කයේ පවතින උග්ර වකුගඩු රෝගී තත්ත්වය ඇතුළු සෞඛ්ය ගැටලුවලට තිරසාර විසඳුමක් ලබා දෙමින් පවුල් 67,000කට පිරිසිදු පානීය ජලය සැපයීමේ දැවැන්ත ව්යාපෘතියක් ආරම්භ කිරීමට රජය තීරණය කර තිබේ.
පදවිය, හොරොව්පොතාන, කහටගස්දිගිලිය, කැබිතිගොල්ලෑව, රඹෑව සහ මැදවච්චිය යන ප්රාදේශීය ලේකම් කොට්ඨාස කිහිපයක් මෙම ව්යාපෘතිය යටතේ ආවරණය වේ. අපිරිසිදු භූගත ජලය නිසා දන්ත ෆ්ලෝරෝසිස් සහ අස්ථි දුර්වලතා වැනි රෝගවලින් පීඩා විඳින ජනතාවට මෙයින් සහනයක් සැලසෙනු ඇත.
ජපාන ජාත්යන්තර සහයෝගිතා නියෝජිතායතනය (JICA) සහ ශ්රී ලංකා රජය එක්ව මෙම ව්යාපෘතිය සඳහා රුපියල් මිලියන 50,000කට අධික මුදලක් ආයෝජනය කරයි.
යාන් ඔය ජල මූලාශ්රය කර ගනිමින් ක්රියාත්මක වන මෙම ව්යාපෘතිය මගින් දිනකට ජලය ඝන මීටර් 33,000ක් පිරිපහදු කර සැපයීමට නියමිතය. මේ සඳහා කිලෝමීටර් 148ක ප්රධාන නළ පද්ධතියක් සහ කිලෝමීටර් 1,053ක බෙදා හැරීමේ නළ මාර්ගයක් ඉදි කෙරේ.
මෙම ව්යාපෘතියේ කටයුතු 2030 වසර දක්වා සැලසුම් කර ඇති අතර, වත්මන් රජය එය කඩිනමින් අවසන් කිරීමට අවශ්ය පියවර ගනිමින් සිටී. නිවාස සහ ජලසම්පාදන අමාත්ය වෛද්ය සුසිල් රණසිංහ මහතා ඇතුළු පිරිසක් පසුගියදා මේ පිළිබඳව විශේෂ සාකච්ඡාවක නිරත වූහ.
