බුද්ධ ශාසන කටයුතු අමාත්යාංශය සහ නිවාස අමාත්යාංශය ඒකාබද්ධව ‘යතිවර මාපිය නිවහන’ නමින් විශේෂ නිවාස ව්යාපෘතියක් ක්රියාත්මක කිරීමට සැලසුම් කර තිබේ. මෙම ව්යාපෘතියේ මූලික අරමුණ වන්නේ දැනටමත් විහාරස්ථානවල පැවිදි භාවය ලබාගෙන සිටින ගෞරවනීය ස්වාමීන් වහන්සේලාගේ දෙමාපියන් වෙනුවෙන් නිවාස ඉදිකර දීමයි.
අමාත්ය විජිත හේරත් මහතා සඳහන් කරන පරිදි, මෙම ව්යාපෘතිය යටතේ එක් නිවසක් ඉදිකිරීම සඳහා රුපියල් ලක්ෂ 15 ක මුදලක් වෙන් කිරීමට තීරණය කර ඇත. සමස්තයක් ලෙස නිවාස 1,000 ක් ඉදිකිරීම සඳහා කැබිනට් මණ්ඩලයේ අනුමැතිය හිමිව තිබේ. ස්වාමීන් වහන්සේලා ශාසනයට පූජා කළ එම දෙමාපියන්ගේ සුබසාධනය වෙනුවෙන් රජය මැදිහත් වී මෙම වැඩපිළිවෙළ ක්රියාත්මක කරනු ලබයි.
