කොළඹ අංක 2 අතිරේක මහේස්ත්රාත් අධිකරණයේදී සිය පියා සාක්ෂි ලබා දෙන අයුරු ජංගම දුරකථනයෙන් වීඩියෝ කළ තරුණියකට කොළඹ ප්රධාන මහේස්ත්රාත් අසංග එස්. බෝදරගම මහතා අද (24) රුපියල් 10,000ක දඩයක් නියම කළේය. අධිකරණ රාජකාරියේ නිරතව සිටි පොලිස් නිලධාරියෙකු විසින් මෙම වීඩියෝ කිරීම නිරීක්ෂණය කර ඇයව අත්අඩංගුවට ගෙන කෙසෙල්වත්ත පොලිසියට භාර දී තිබුණි. අධිකරණයේ අවසරයකින් තොරව මෙලෙස දර්ශන පටිගත කිරීම සම්බන්ධයෙන් සැකකාරිය අද අධිකරණය හමුවේ වරද පිළිගත් අතර, ඇයට දැඩි ලෙස අවවාද කළ මහේස්ත්රාත්වරයා අදාළ වීඩියෝ දර්ශන දුරකථනයෙන් මකා දමන ලෙස ද නියෝග කළේය.
