පාර්ලිමේන්තුව විසුරුවා හැරීම අත්හිටුවීම ශ්‍රේෂ්ඨාධිකරණය විසින් නියෝග කිරීමත් සමඟ අද පෙරවරුවේ පාර්ලිමේන්තුව රැස්විය. පාර්ලිමේන්තුවේ ඇති වු කලබලකාරිත් තත්ත්වය මත හෙට පෙරවරු 10 දක්වා කල් තැබීමට කථානායකවරයා තීන්දු කළේය.

පාර්ලිමේන්තුව රැස් වු අවස්ථාවේදී මන්ත්‍රී 3ක් විපක්ෂයේ අසුන් ගත්තේය. ඒ එක්සත් ජනතා නිදහස් සන්ධානයේ පාර්ලිමේන්තු මන්ත්‍රීවරුන් වන ඒ.එච්.එම් ෆවුසි, පියසේන ගමගේ, මනූෂ නානායක්කාර මහත්වරුන්ය.

මේ අතර අද දිනයේදී ජනතා විමුක්ති පෙරමුණ විසින් පත් වු නව ආණ්ඩුවට එරෙහිව විශ්වාසභංග යෝජනාවක් ඉදිරිපත් කළ බව එම පක්ෂයේ පාර්ලිමේන්තු මන්ත්‍රී විජිත හේරත් මහතා පැවසිය.
කෙසේ වෙතත් පාර්ලිමේන්තුවේ ආණ්ඩු පක්ෂයේ ආසන වල අග්‍රාමාත්‍යවරයා වශයෙන් පත් වු මහින්ද රාජපක්ෂ ඇතුළු පිරිස අසුන් ගත්තේය. මේ අතර මීට දින කිහිපයකදට පෙර අමාත්‍ය ධුරයක් ලබා ගත් වසන්ත සේනානායක ද සිය අමාත්‍ය ධුරයෙන් ඉවත් ව තිබේ.