ChatGPT හි නවතම කෘතිම බුද්ධි ආකෘතිය වන o3 මිනිස් උපදෙස්වලට අකීකරු වීමේ පුවතක් විදෙස් මාධ්‍ය වාර්තා කර තිබෙනවා.
OpenAI හි o3 මිනිස් උපදෙස් වලට අකීකරු වීමෙන් පසුව, AI මාදිලි වසා දැමීමේ විධානය (shutdown) නොසලකා හැරීමත් ඒ පිළිබඳව එලොන් මස්ක් අවධානයෙන් පසුවන බවත් පවසා තිබෙනවා.
The Telegraph හි පළ වූ පුවත් වාර්තාවක් සඳහන් කරන්නේ, OpenAI විසින් සංවර්ධනය කරන ලද o3 ආකෘතිය ස්වයංක්‍රීයව වසා දැමීමේ (Shut Down) යාන්ත්‍රණයක් කඩාකප්පල් කළ බවයි.
මෙම තත්ත්වය අනතුරු හැඟවීමක් ලෙස කෘතීම බුද්ධි විශේෂඥයන් සලකනු ලබනවා
මෙම තත්ත්වය සම්බන්ධයෙන් කෘතීම බුද්ධිය පිළිබඳව පර්යේෂණ පවත්වන Palisade Research ද අවධානය යොමු කර ඇති අතර, ඔවුන් පවසන්නේ, “අප දන්නා පරිදි, ප්‍රතිවිරුද්ධ පැහැදිලි උපදෙස් තිබියදීත් AI ආකෘති වසා දැමීමෙන් (Shut Down) වළක්වා ගන්නා බව නිරීක්ෂණය කළ පළමු අවස්ථාව මෙයයි,” යනුවෙන්.
