පස් වසරක ගමන් මගේ ඉදිරිපත් කරන ලද පළමු අය වැය ඊයේ දින ඉදිරිපත් කර බව කම්කරු නියෝජ්‍ය අමාත්‍ය මහින්ද ජයසිංහ අද (18) පාර්ලිමේන්තුවේ දී පවසා සිටියේය.
මෙම අයවැය මෙතෙක් ආ ගමන් මග වෙනස් කල අයවැයක් බවත් මෙය ෙඑතිහාසික අයවැයක් බවට පත් වෙන බවත් එහි දී පැවසීය.
වැඩිදුරටත් අදහස් දැක් වූ අමාත්‍යවරයා මෙලෙස ද පැවසීය.
පසුගිය දශක හතක කාලයක් තිස්සේ දුෂිත පාලකයන් මේ රට වට්ටලා නිෂ්පාදන ආර්ථිකය වට්ටලා ලක්ෂ පහක් පමණ සිටි දිළිදු පවුල් ලක්ෂ 20ක් බවට පත් කරමින් මෙරට දුප්පත් කම වැඩි කරා. මේ අය වැය මේ රට ගොඩනගන අයවැයක්. අපි ඩිජිටල් ආර්ථිකයක් කරා යන අයවැයක් ඊයේ දින ලබා දුන්නා. යම් ආර්ථික විශ්ලේෂකයන් පවා විවිධ සාධනීය කරුණු දක්වනවා. නමුත් සමහරුන්ට මෙම අය වැය දරාගන්න බෑ. ඒ වෙන මොනවත් නෙවෙයි. ඒ කුහකකම. අද පහුගිය කාලයේ රනිල්ගේ ආණ්ඩුවේ අයවැය කරන්න හිටපු අයට අද විපක්ෂය පැත්තේ ඉදගන කතා කරන්න උනාම මේ වගේ විවිධ දේවල් කියවෙන එක ගැන අපිට පුදුම වෙන්න දෙයක් නැ.
මේ අය වැය රටේ වැඩ කරන ජනතාවගේ වැටුප් වැඩිවීම ඇතුළු රටේ පුරවැසියන්ගේ ෙ‌එතිවාසිකම් ආරක්ෂා කරපු අයවැයක්. ඒවගේම දිගු ගමනක ආරම්භයක අයවැයක් ලෙස මෙම අය වැය නම් කරන්න පුලුවන්. අපි මේ තබපු පියවර ඉදිරියටත් රට නිෂ්පාදන ආර්ථිකයක් කරා මෙහෙයවමින් මේ රට ගොඩනගන්න සැලසුම් සකස් කරලා තියෙනවා. අය වැය ගැන විග්‍රහ දෙන්න පිටකවරය බලලා තීරණය කරන්න එපා.
