කෝට්ටේ ශ්රී කල්යාණී සාමග්රී ධර්ම මහා සංඝ සභාවේ අනුනායක, මහාචාර්ය පූජ්ය කොටපිටියේ රාහුල හිමියන් වත්මන් රජයේ ක්රියාකලාපය දැඩි ලෙස විවේචනය කරමින් ප්රකාශ කර ඇත්තේ රටේ වත්මන් ගමන කිසිසේත්ම සුබදායක නොවන බවයි. ‘ජන්ම භූමි නව නිදහස් ව්යාපාරය’ ආරම්භ කිරීමේ අවස්ථාවට එක්වෙමින් උන්වහන්සේ අවධාරණය කළේ රටේ ආරක්ෂාව, උරුමය සහ බෞද්ධ උරුමයන් පිළිබඳව කතා කිරීමට රජය අපොහොසත් වී ඇති බවයි. වර්තමාන දේශපාලන අධිකාරිය වැරදි මතවාද පතුරුවමින් රට අවුල් කිරීමට උත්සාහ කරන බවට ද උන්වහන්සේ චෝදනා කළහ.
විශේෂයෙන්ම ජනාධිපතිවරයා පසුගියදා උතුරේදී කරන ලද ප්රකාශයක් සම්බන්ධයෙන් සිය අප්රසාදය පළ කළ අනුනායක හිමියන්, බෞද්ධයන් උතුරට යන්නේ වෛරය හෝ ක්රෝධය පැතිරවීමට නොව වසර 2500ක ඉතිහාසයක් ඇති වන්දනා ගමන් සඳහා බව පෙන්වා දුන්හ. ජාතික සමගිය සහ ආගමික ආරක්ෂාව පිළිබඳව කොන්දේසි විරහිතව පෙනී සිටීමට තමන් වහන්සේලා තීරණය කර ඇති බවත්, පාලකයන්ගේ මෙම ගමන පිළිබඳව දැඩි අවධානයෙන් පසුවන බවත් උන්වහන්සේ වැඩිදුරටත් සඳහන් කළහ.
