මහනුවර නගරය මධ්‍යම රාත්‍රියේ ටිකෙන් ටික ජනශුන්‍ය වන විට හමායන අත්භූත සුලං රැලි ඔබ ගත දැවටී තිබේද? මුලු නගරයම ටිකෙන් ටික නිශ්ශබ්දතාවය විසින් ගිලගනිද්දී නගරය පුරා පැතිරෙන බිහිසුණු හුදකලා බව විඳ තිබේද ?
මෙම කථාව මට අසන්නට ලැබෙන්නේ කලකට ඉහතදී අසල්වාසී වැඩිහිටියෙක් මුහුණ දුන් සත්‍ය සිදුවීමක් වශයෙන් ය. ඔහු නමින් අමරදාස ය.
ඔහු මේ අත්දැකීමට මුහුණ දෙන්නේ 2002 වර්ෂයේදී. වෘත්තියෙන් රොහල් සේවකයෙකු ලෙස පේරාදෙණිය ශික්ෂණ රෝහලේ සේවය කළේය.
රාත්‍රී වැඩමුරය නිමවී ඔහුට අයත් සුසුකි වර්ගයේ මෝටර් සයිකලෙන් තම නිවෙස බලා ගමන් ගනිමින් සිටි ඔහු, මහනුවර පේරාදෙණිය අලුත් පාර ඔස්සේ නගරයට ළගා වන අතර බෝගම්බර පිට්ටනියත් බන්ධනාගාරයක් මැදින් දිවෙන මාර්ගයේ රාත්‍රී 11.30 ට පමණ ගමන් ගනිමින් සිටියේය.
මාර්ගය පසෙකින් උඩරට පන්නයට සැරසුණු වැදගත් පෙනුමැති ස්ත්‍රියක් කොණ්ඩය කඩාගෙන විකෘති ස්වරූපෙන් මාර්ගය ගමන් ගනිමින් සිටින්නීය .
අමරදාස ඇය අසලට ළං ව බයිසිකලේ නවත්වන්නට විය.’ මේ මහ රෑ තනියම කොහෙද යන්නෙ? පාර වැරදුණාවත් ද? එවිට ඇය “නෑ මට මගෙ ළමයි හොයල දෙන්න” යනුවෙන් තර්ජනාත්මක ස්වරූපයෙන් ඔහුට බැණ වදින්නට වූවාය. ඉන්පසු ඈ මාර්ගය දිගේ කඩිනමින් දුවමින් අතුරුදහන් වූවාය.
අධික ලෙස බියපත් වී සිහිසන් වූ අමරදාස, මාලිගාව වන්දනාව සඳහා යන පුද්ගලයෙකු දැක රෝහල්ගත කර තිබුණි.
මෑතකදී නැවතත් මෙම කතාව පිලිබඳ කරලියට එන්නේ “කලන” නැමැති පුද්ගලයෙකු සහ ඔහුගේ බිරිඳ මුහුණ දුන් සිද්ධියක් නිසාය.
ඔවුන්ද මධ්‍යම රාත්‍රියේ නවතා තිබූ තම වාහනය වෙත පැමිණෙද්දී තම වාහනයේ බොනට්ටුව මත වැදගත් ලෙස පැරණි පන්නයේ ඇඳුම් ඇඳගත් ගැහැණියක් ඉදගෙන සිටිනු දැක . ඇයගෙන් “ඔයා මොකක්ද මගෙ වාහනේ උඩ කරන්නේ, අපිට ගෙදර යන්න ඕන අයිං වෙන්න, ඔයාටත් ගෙදර යන්න ඕන නම් ගිහිං දාන්නම් ” යනුවෙන් පැවසූ විට “මගේ ගෙදර මෙහෙ තමයි තියෙන්නේ. අර අපේ වලව්ව. මට මගේ ළමයි හොයල දෙන්න” යනුවෙන් පවසා ඇය වාහනයෙන් බැස රජ වීදිය දිගේ ඉහළට ගමන් කරන්නට වූවාය.
එහි ඉහළට වන්නට ජනාධිපති මැදුර ඉදිරි පසින් පිහිටා ඇත්තේ රිමාන්ඩ් බන්ධනාගාරයයි.
පෙර රජ දවස ඇහැලේපොල වලව්ව එයයි. එවිට ඔවුන් දැක තිබුණේ ඇහැලේපොළ කුමාරිහාමිගේ ආත්මය ද?
එදා ඈ ගිල් වූ බෝගම්බර වැව පරිශ්‍රයේ අද තිබෙන්නේ ක්‍රීඩාංගනයක්. ඒත් තවමත් සුදු ඔසරිය ඇඳ, හිසට ගසා ගනිමින් ඇය විලාප දෙමින් සිටින ආකාරය වැව අබියසින් දකින්නට ලැබෙන බව ඒ ප්‍රදේශයේ නිතර ගැවසෙන ඇතැම් පිරිස් පවසනවා.
දරුවන් කොහිද විමසමින් විලාප තබන ඇගේ අවතාරය පැරණි ඇහැලේපොළ වළව්ව දෙසට හා පත්තිනි දේවාලය දෙසට පාවී යන බවයි ඔවුන් පවසන්නේ. ඇතැම් පිරිස් මේ සුදු ඇඳගත් රූමත් කාන්තාව දරුවන් ඉල්ලා විලාප තබමින් වැවට පනින අයුරු ද දැක තිබෙන බවට තොරතුරු සඳහන් වෙනවා.
මේ කතාවල සත්‍ය අසත්‍යතාව විද්‍යාත්මකව තහවුරු කර නොමැති වුවත්, ඈ ඉතිහාසයේ මුහුණ දුන් අතිඅ*මානුෂීය ඉරණම හමුවේ නැඟුණු සහසක් සුසුම් තවමත් මේ වා තලයේ රැඳී නැතැයි කියන්නට බැහැ.
කඳුලින් පෙඟුණු ඇගේ විලාපයේ දෝංකාරය අදටත් හෙටටත් එපරිද්දෙන් ම ඇසෙනු ඇති
උපුටාගැනිමකි
