ඉරාන රජයට එරෙහිව ආරම්භ වූ මහජන නැගිටීම මර්දනය කිරීමට ආරක්ෂක අංශ එල්ල කරන ප්රහාර හේතුවෙන් එරට දැඩි අර්බුදකාරී තත්ත්වයකට පත්ව තිබෙනවා.
ගැටුම්වලින් මේ වන විට මරණ සංඛ්යාව අවම වශයෙන් 544 දක්වා ඉහළ ගොස් ඇති බවයි වාර්තා වන්නේ, ඒ අතර බාලවයස්කරුවන් 9 දෙනෙකු ද වනවා. එමෙන්ම සිද්ධිය සම්බන්දයෙන් සති දෙකක විරෝධතා අතරතුර පුද්ගලයින් 10,600 කට වැඩි පිරිසක් අත්අඩංගුවට ගෙන ඇති බව, එක්සත් ජනපදය පදනම් කරගත් මානව හිමිකම් ක්රියාකාරීන්ගේ ප්රවෘත්ති ඒජන්සිය පවසා තිබෙනවා.
මෙය විරෝධතා නගර 180ක ස්ථාන 500කට අධික සංඛ්යාවක පැතිර පැවති අතර විරෝධතාකරුවන් රජයේ ගොඩනැගිලි සහ පොලිස් ස්ථාන ඉලක්ක කර ප්රහාර එල්ල කරන බවයි වාර්තා වන්නේ.
මේ සම්බන්ධයෙන් තොරතුරු වාරණය කිරීම සදහා අර්බුදයේ තත්ත්වය ලෝකයෙන් සැඟවීමට ඉරාන රජය රට පුරා අන්තර්ජාල සහ දුරකථන සේවා අත්හිටුවා තිබෙනවා.
එමෙන්ම සාමකාමී විරෝධතාකරුවන්ට එරෙහි ප්රචණ්ඩත්වය නතර නොකළහොත් දැඩි සම්බාධක පනවන බවට ඇමරිකාව ඇතුළු බටහිර රටවල් ඉරානයට අනතුරු අඟවා තිබෙනවා.
