ඉරානයේ මාසයකට අධික කාලයක් තිස්සේ ක්රියාත්මක වන ප්රබල රාජ්ය විරෝධී උද්ඝෝෂණ මැඩපැවැත්වීමට ආරක්ෂක අංශ එල්ල කළ ප්රහාරවලින් මියගිය පුද්ගලයින් සංඛ්යාව 6,126 දක්වා ඉහළ ගොස් ඇති බව අමෙරිකාව කේන්ද්ර කරගත් මානව හිමිකම් සංවිධාන (HRANA) තහවුරු කරයි.
විදෙස් මාධ්ය වාර්තාවලට අනුව, මෙම දරුණු මර්දනය හේතුවෙන් තවත් පුද්ගලයින් 11,000කට අධික පිරිසක් තුවාල ලබා ඇති අතර, අත්අඩංගුවට ගෙන ඇති පිරිස 41,800 ඉක්මවයි. මියගිය පිරිස අතර ළමුන් 86 දෙනෙකු ද වන බව ක්රියාකාරීහු පෙන්වා දෙති.
ඉරාන රජය විසින් රට පුරා පනවා ඇති අන්තර්ජාල සීමාවන් මධ්යයේ වුවද, ඉකුත් ජනවාරි 8 සහ 9 යන දිනවලදී පමණක් දහස් සංඛ්යාත පිරිසක් ඝාතනයට ලක්ව ඇති බව ඇම්නෙස්ටි ඉන්ටර්නැෂනල් ඇතුළු ජාත්යන්තර සංවිධාන පවසයි. එක්සත් ජාතීන්ගේ සංවිධානයේ ඇතැම් වාර්තා පෙන්වා දෙන්නේ සැබෑ මරණ සංඛ්යාව 20,000ක් තරම් ඉහළ අගයක් ගත හැකි බවයි.
කෙසේ වෙතත්, ඉරාන රජය නිල වශයෙන් පිළිගෙන ඇත්තේ මරණ 3,117ක් පමණක් වන අතර ඉන් බහුතරයක් ආරක්ෂක අංශ සාමාජිකයන් සහ ‘ත්රස්තවාදීන්’ බවට ඔවුන් චෝදනා කරයි.
#IranProtests #HumanRights #TehranMassacre #GlobalNews #IranCrisis2026 #FreedomForIran #LKA #BreakingNews
