පසුගිය රජය සමයේ විද්යුත් වීසා (e-Visa) නිකුත් කිරීමේ ක්රියාවලිය පෞද්ගලික සමාගම් දෙකකට පැවරීමට ගත් තීරණය බල රහිත කරන ලෙස ඉල්ලා ගොනු කර ඇති මූලික අයිතිවාසිකම් පෙත්සම මාර්තු මස 25 වනදා යළි කැඳවීමට ශ්රේෂ්ඨාධිකරණය අද (09) නියම කළේය.
අගවිනිසුරු ප්රීති පද්මන් සූරසේන, ශිරාන් ගුණරත්න සහ අචල වෙංගප්පුලි යන මහත්වරුන්ගෙන් සමන්විත ත්රිපුද්ගල විනිසුරු මඩුල්ල හමුවේ මෙම පෙත්සම කැඳවනු ලැබූ අතර, ඉදිරිපත් වූ කරුණු සලකා බැලීමෙන් අනතුරුව පෙත්සම යළි කරුණු තහවුරු කිරීම සඳහා එදිනට නියම විය. එම්.ඒ. සුමන්දිරන්, පාටලී චම්පික රණවක සහ රවුෆ් හකීම් යන මහත්වරුන් ඇතුළු පිරිසක් විසින් මෙම පෙත්සම ඉදිරිපත් කර තිබුණි.
