2025 අධ්යයන පොදු සහතික පත්ර උසස් පෙළ විභාගයේ ජෛව පද්ධති තාක්ෂණවේදය විෂයට අදාළ ප්රායෝගික පරීක්ෂණ ලබන 07 වැනිදා ආරම්භ කරන බව විභාග දෙපාර්තමේන්තුව නිවේදනය කරයි. දිවයින පුරා මධ්යස්ථාන 74කදී මෙම පරීක්ෂණ පෙබරවාරි 11 වැනිදා දක්වා පැවැත්වීමට සියලු කටයුතු සූදානම් කර තිබේ. පාසල් අයදුම්කරුවන් සඳහා වන ප්රවේශ පත්ර අදාළ විදුහල්පතිවරුන් වෙත ද, පෞද්ගලික අයදුම්කරුවන්ගේ ප්රවේශ පත්ර ඔවුන්ගේ පෞද්ගලික ලිපිනයන් වෙත ද තැපැල් මගින් යොමු කර ඇති අතර ප්රවේශ පත්ර නොලැබුණු අපේක්ෂකයින්ට විභාග දෙපාර්තමේන්තුවේ නිල වෙබ් අඩවියෙන් එය බාගත කර ගැනීමට පහසුකම් සලසා ඇත.
