බ්රිතාන්ය ජාතික 21 හැවිරිදි කර්ස්ටි මුයර් (Kirsty Muir), ලෝක කුසලාන හිම මත ලිස්සා යාමේ (World Cup Freeski) ‘Slopestyle’ සහ සමස්ත ‘Park and Pipe’ යන අංශ දෙකෙන්ම ශූරතා දිනාගත් පළමු බ්රිතාන්ය ක්රීඩිකාව ලෙස ඉතිහාසයට එක්ව තිබේ. ස්විට්සර්ලන්තයේ සිල්වප්ලානා (Silvaplana) හි අද (28) පැවැති වාරයේ අවසන් තරගයේදී ඇය දෙවන ස්ථානය දිනාගත් අතර, එම ප්රසාද ලකුණු සංඛ්යාව ඇයට මෙම ඓතිහාසික ජයග්රහණය කරා යාමට ප්රමාණවත් විය.
පසුගිය මස මිලාන් සහ කොර්ටිනා හි පැවැති ශීත ඍතු ඔලිම්පික් උළෙලේදී (Winter Olympics 2026) ඉතා සුළු ලකුණු සංඛ්යාවකින් පදක්කම් අහිමි වුවද, ඇය මෙම ලෝක කුසලාන තරගාවලියේදී අඛණ්ඩව දක්ෂතා දැක්වීමට සමත් වූවාය. ඇබර්ඩීන් (Aberdeen) ප්රදේශයේ පදිංචිකාරියක වන මුයර්, මෙම ජයග්රහණයත් සමඟ සිය ප්රථම ‘Crystal Globe’ සම්මානය දිනාගත් අතර, ඉදිරි වසර දෙක තුළ නව උපක්රම සහ දක්ෂතා සමඟින් ක්රීඩාවේ තවත් ඉදිරියට යාම සිය අරමුණ බව ඇය සඳහන් කළාය.
