දශක කිහිපයක ජපාන ආධිපත්යය බිඳ දමමින් ගෝලීය මෝටර් රථ නිපදවීමේ කිරුළ මෙවර චීනයට ලැබී තිබෙනවා.
ලෝක මෝටර් රථ කර්මාන්තයේ මෙතෙක් පැවති බලතුලනය උඩුයටිකුරු කරමින්, 2025 වසරේදී ලොව අංක එකේ මෝටර් රථ අලෙවිකරුවා බවට පත්වීමට චීනය සමත් වී තිබෙනවා.
මෙය දශක ගණනාවක් තිස්සේ ජපානය සතුව තිබූ ගෝලීය වෙළඳපොළ ආධිපත්යය නිමාවට පත් කළ ඓතිහාසික පෙරළියක්.
2025 වසරේදී චීන නිෂ්පාදකයන් වාහන මිලියන 27ක් පමණ අලෙවි කරනු ඇතැයි ගණන් බලා ඇති අතර, එය පෙර වසරට වඩා 17%ක දැවැන්ත වර්ධනයක්.
නමුත් මෙතෙක් පෙරමුණේ සිටි ජපානයට මෙම වසරේදී අලෙවි කළ හැකි වෙතැයි අපේක්ෂා කරන්නේ වාහන මිලියන 25ක් පමණි.
මීට පෙර ජපාන සහ යුරෝපීය වාහනවලට පමණක් සීමා වූ ගිනිකොනදිග ආසියාව, ලතින් ඇමෙරිකාව සහ මැදපෙරදිග වෙළඳපොළවල් මේ වන විට චීන වාහන විසින් ආක්රමණය කර තිබෙනා.
චීනයේ ජයග්රහණයට බලපෑ ප්රධාන සාධක
විදුලි වාහන (EV) විප්ලවය
සාම්ප්රදායික ඉන්ධන වාහනවලින් ලෝකය බැහැර වන මොහොතේ, විදුලි වාහන තාක්ෂණය අතින් චීනය අතිමහත් දියුණුවක් ලැබීය. BYD, MG සහ Xiaomi වැනි සමාගම් ටෙස්ලා (Tesla) වැනි සමාගම්වලට පවා ප්රබල අභියෝගයක් වී තිබෙනවා.
සැපයුම් දාමයේ පාලනය
විදුලි වාහන බැටරි සඳහා අවශ්ය ලිතියම් සහ අනෙකුත් දුර්ලභ ඛනිජ සම්පත්වලින් වැඩි ප්රමාණයක් චීනය සතුව පැවතීම ඔවුන්ට අඩු පිරිවැයකින් නිෂ්පාදන සිදු කිරීමට මග පාදා තිබෙනවා.
රජයේ සහාය
චීන රජය විසින් දේශීය නිෂ්පාදකයන්ට ලබාදුන් බදු සහන, පර්යේෂණ දිරිගැන්වීම් සහ දැවැන්ත යටිතල පහසුකම් සංවර්ධනය මෙම ජයග්රහණයේ පදනමයි.
තාක්ෂණය සහ මිල
ජපාන වාහනවල පවතින විශ්වසනීයත්වය තහවුරු කරගන්නා අතරම, අතිනවීන මෘදුකාංග සහ ස්මාර්ට් විශේෂාංග සහිත වාහන ඉතා තරගකාරී මිලකට වෙළඳපොළට නිකුත් කිරීමට ඔවුන් සමත් විය.
ජපාන දැවැන්තයින්ට එල්ල වූ බලපෑම
මෙම තත්ත්වය හමුවේ ටොයෝටා (Toyota), හොන්ඩා (Honda) සහ නිසාන් (Nissan) වැනි ජපාන දැවැන්තයින්ට සිය අනාගත උපාය මාර්ග නැවත සලකා බැලීමට සිදුව තිබෙනවා.
ඔවුන් සාම්ප්රදායික ‘හයිබ්රිඩ්’ තාක්ෂණය මත වැඩිපුර විශ්වාසය තැබූ අතර, චීනය සෘජුවම ‘සම්පූර්ණ විදුලි’ (Battery Electric) තාක්ෂණයට යොමු වීම මෙම පරතරය ඇති වීමට ප්රධාන හේතුවක්.
