ජපාන් මුදල් අමාත්‍ය සුසුකි ෂුනිචි මහතා 2024 ජනවාරි මස 11 සිට 12 දක්වා නිල සංචාරයක් සඳහා මෙරටට පැමිණිමට නියමිත බව විදේශ අමාත්‍යංශය පවසයි.
මෙම සංචාරයේදී ජපාන් මුදල් අමාත්‍යවරයා, ජනාධිපති රනිල් වික්‍රමසිංහ සහ විදේශ කටයුතු අමාත්‍ය අලි සබ්රි යන මහත්වරුන් හමු වී නිල සාකච්ඡා පවත්වනු ඇත.
ජපාන් මුදල් අමාත්‍ය සුසුකි ෂුනිචි මහතා ඇතුළු දූත පිරිස ශ්‍රී ලංකාවේ රැඳී සිටින කාලය තුළ පාර්ලිමේන්තුව, ජයවර්ධන මධ්‍යස්ථානය, ශ්‍රී ජයවර්ධනපුර රෝහල, කොළඹ තටාකාංගනය සහ මහරගම පිහිටි ලංකා නිපොන් බිස්ටෙක් ආයතනය වෙත යෑමටද නියමිතය.
