ටික්ටොක් සමාජ මාධ්ය ඔස්සේ හඳුනාගත් පුද්ගලයකු සමඟ සමීප සබඳතාවක් පැවැත්වූ පෞද්ගලික බැංකුවක සේවකයකු සුවඳ විලවුන් වර්ගයක් ආග්රහණය කරවා සිහිසුන් කර රුපියල් ලක්ෂ පහළොවකට අධික දේපළ කොල්ලකා පලායාමේ පුවතක් බොරලැස්ගමුව ප්රදේශයෙන් වාර්තා වේ.
කෝට්ටේවීදිය බටුහේන ප්රදේශයේ පදිංචි මෙම බැංකු සේවකයා පසුගිය 19 වැනිදා රාත්රියේ බොරලැස්ගමුව කටුවාවල ප්රදේශයේ හෝටලයකදී තම ටික්ටොක් මිතුරා මුණගැසී ඇති අතර එහිදී සැකකරු විසින් සිදුකළ උපක්රමශීලී සිහිසුන් කිරීමෙන් පසු මෙම කොල්ලකෑම සිදුකර ඇත.
පසුදින සිහිය ලැබූ බැංකු සේවකයා තමන් පැලඳ සිටි පවුම් තුනහමාරක් බරැති රන් භාණ්ඩ මෙන්ම තම බැංකු කාඩ්පත භාවිත කර ගිණුමෙන් රුපියල් ලක්ෂ දෙකයි පනස් අටදහසක මුදලක් සොරකම් කර ඇති බව දැනගෙන තිබේ. කොල්ලකන ලද මුළු දේපළවල වටිනාකම රුපියල් ලක්ෂ 15ක් පමණ වන අතර සැකකරු අත්අඩංගුවට ගැනීම සඳහා බොරලැස්ගමුව පොලිසිය මේ වන විට පුළුල් පරීක්ෂණ ආරම්භ කර ඇත.
