තමන් ද්විත්ව පුරවැසි භාවය ඇති අයෙක් කියා බොහෝ දේශපාලන ප්‍රභලයින් චෝදනා නගන නිසා එය ඉවත්කර ගැනීමේ ලිපිය මාධ්‍යට ඉදිරිපත් කරන බව තිලකරත්න දිල්ෂාන් මහතා අද දහවල් කළුතර දී මාධ්‍ය හමුවක් පවත්වමින් පැවසීය .
එහිදී වැඩිදුරටත් අදහස් දක්වමින් ඒ මහතා සදහන් කලේ සමහර දේශපාලන ප්‍රබලයින් තමන්ගේ ද්විත්ව පුරවැසි භාවය සම්බන්ධයෙන් චෝදනා නගන බැවින් එය ඉදිරිපත් කරන බවයි.
බොහෝ දේශපාලන පක්ෂ වලට සහ ප්‍රභල දේශපාලකයන් ඔවුන්ගේ මැතිවරණ ප්‍රචාර කටයුතු කරනවට වඩා මගේ ද්විත්ව පුරවැසි භාවය ගැන ප්‍රශ්න කරනවා. සමාජ මාධ්‍ය වල ප්‍රචාරය කරනවා.මම එක් ප්‍රභල පුද්ගලයෙකුට අභියෝග කලා පුළුවන් නම් ඔප්පු කරන්න කියලා. තව පැය කිහිපයයි තියෙන්නේ හැකිනම් ඔප්පු කරන්න.මේ තියෙන්නේ ද්විත්ව පුරවැසි භාවය ඉවත්කල ලිපිය යැයි පවසමින් ඉදිරිපත් කලේය.
සමහර චරිත ද්විත්ව පුරවැසි භාවය තියාගෙන පාර්ලිමේන්තු වරප්‍රසාද ලැබුවා. ඉවත්වුනේ ඒක ඔප්පු උනාම. මම පාර්ලිමේන්තු මැතිවරණයට ඉදිරිපත් වෙන්නේ ද්විත්ව පුරවැසි භාවය ඉවත් කරගන සැබෑවටම ජනතාවට වැඩක් කරන්න ඕන නිසයි.
ඇතැම් දේශපාලන ප්‍රභලයෝ මැතිවරණ වේදිකාවේ කිඹුල් කදුළු හෙලනවා ඡ්න්දය ඉල්ල ඉල්ල, තව සමහරු ඡන්ද ආයාචනය කරනවා. ඒ වැඩක් නොකල නිසා. මම කවදා හෝ දේශපාලනයෙන් සමුගන්නේ අඩන්නේ නැතිව ඡන්ද ආයාචනා කරන්නේ නැතිව ජනතාවට වැඩක් කරලා යනුවෙන් ද ඔහු පැවසීය.
